Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Koyanê Kurdîstanî de ke tede ruhê Hemleya 15ê Tebaxe bi hawayêkê tewr xurtî yeno temsîlkerdene, xoverdayîşê ma yê vera îşxalkeran vera beno pîl û dewam keno. Artêşa tirke ya îşxalkere pê nê xoverdayîşî nêeşkena, erjanê huqûqî û exlaqîyan binpay kena û verê çimanê dinya de vera gerîlayan bombaya nuklere û çeka kîmyewîye şuxilnena. Gerîlayê azadîye rixmê pêro hêrişanê namerdan zî bi fedayîtî şer kenê û xeta perwerîya bi şehîdn de şinê. Gerîlayî do nê tewirê xo yê rûmetênî pê serfîrazîya qetîye tacîdar bikerê.

Çalakîyanê fîrazkerdişê Roşanê Gandarbîyayîşî yê 15ê Tebaxe de, serkêşîya tîmanê ma yê hereketînan de 10 îşxalkerî ameyî cezakerdene, 1 dron, 1 kulube, 1 kamera û 1 kameraya mobese ame îmhakerdene. Artêşa tirke ya îşxalkere Warê Xoverdayîşî 10 reyî pê bombaya nuklere ya taktîkî û çeka kîmyewîye; 13 reyî pê teyarayanê şerî, 11 reyî pê helîkopteranê hêrişî û bi desan reyî pê çekanê giranan dayî bombayan ver.

Detayê çalakîyan û hêrişan wina yê:

Çarçewa Hemleya Şorişgêre ya Bazanê Zagrosî de herêma Avaşînî de;

14ê tebaxe de kameraya ke îşxalkeran Warê Xoverdayîşî yê Werxelê de ca kerdbi hetê hêzanê ma ra bi profesyonelî ame înhakerdene.

Çarçewa Hemleya Şorişgêre ya Bazanê Zagrosî de herêma Zapî de;

13ê tebaxe de Warê Xoverdayîşî yê Saca de îşxalkerê ke waştêne aver şorê hetê hêzanê YJA-Starî ra pê taktîkê sabotajî ameyî pirodayene û 4 îşxalkerî ameyî cezakerdene. Dima îşxalkerî pê taktîkê sabotajî ameyî derbkerdene.

13ê tebaxe de Warê Xoverdayîşî yê Çemçoyî de 1 dron ame îmhakerdene. 13ê tebaxe de Warê Xoverdayîşî yê Çemçoyî de helîkopterêkê Skorskyî ame pirodayene û helîkopter neçare mend ke warî ra biremo.

14ê tebaxe de Warê Xoverdayîşî yê Çemçoyî de îşxalkeran xîret kerd ke mewzîyanê şerî bidê bombayan ver. Netîceya mudaxeleyê hêzanê ma de dron herême ra rema.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

13ê tebaxe de hezanê ma yê YJA-Starî qereqolê Kanî Masî yê Metîna kerd hedef, 1 kulube îmha kerde, tede 2 îşxalkerî ceza kerdî. Dima îşxalkerê dormeyê qereqolî ameyî hedefkerdene, 1 îşxalker ame cezakerdene, 1 îşxalker birîndar bi û 1 sîstemê kamera ame îmhakerdene.

13ê tebaxe de Warê Xoverdayîşî yê Girê Hekarî de îşxalkerî hetê tîmanê ma yê hereketînan ra ameyî pirodayene û çalakîyanê pêseran de 3 îşxalkerî ameyî cezakerdene.

13ê tebaxe de îşxalkerê ke waştêne mewzîyanê şerî yê Girê Şehîd Pîrdoganî yê Warê Xoverdayîşî yê Girê Amedîyê pê bombaya nuklere ya taktîkî û çeka kîmyewîye bidê bombayan ver ameyî derbkerdene. Netîceya mudaxeleyê hêzanê ma de îşxalkerî neçare mendî ke gamêke xo apey bigêrê.

13ê tebaxe de îşxalkerê ke waştêne ver bi mewzîyanê şerî yê Girê Şehîd Pîrdoganî yê Warê Xoverdayîşî yê Girê Amedîyê şorê ameyî derbkerdene.

Hêrişê ke artêşa îşxalkere pê bombaya nuklere û çeka kîmyewîye kerdê:

13ê tebaxe de Warê Xoverdayîşî yê Şikefta Birîndaran dîya bombayan ver.

Hêrişê ke artêşa îşxalkere pê teyarayanê şerî, helîkopterê hêrişî, çeka girane kerdê:

Warê Xoverdayîşî yê Girê FMyî de îşxalkerî daran birnenê. 13ê tebaxe de Warê Xoverdayîşî yê Girê Amedîyê û Girê FMyî de têgêrayîşê dronan qewimîya.

13ê tebaxe de Warê Xoverdayîşî yê Çemço, Saca, Girê Hekarî, Werxelê, Girê Amedîyê û warê Golka yê Metîna dîyayî bombayan ver.''