Merkezê Îrtîbatî û Çapemenîye yê HPGyî da zanayene ke çalakîyê hêzanê înan ê selamkerdişê Roşanê Ganîbîyayîşî yê 15ê Tebaxe bi hewayêkê qerardarî dewam kenê û derheqê hêrişê dewleta tirke û têkoşînê gêrîlayan de nê pare kerdî:

Xakurkê

11ê tebaxe de Warê Xoverdayîşî yê Girê Koordîne de kamerayêka termale ameye îmhakerdene.

Avaşîn

11ê tebaxe de warê Kanîbîyê de kamerayê termal û mobesê yê ke artêşa tirke verî tîya ca kerdbî ameyî îmhakerdene.

Zap

12ê tebaxe de Warê Xoverdayîşî yê Saca de îşxalkerî hetê hêzanê ma ra pê çekanê giranan ameyî pirodayene. Na çalakîye de hîrê îşxalkerî ameyî cezakerdene.

Metîna

12ê tebaxe de Warê Xoverdayîşî yê Girê Cûdyî de îşxalkerî hetê hêzanê ma yê YJA Starî ra ameyî pirodayene, îşxalkerêk ame cezakerdene.

Botan

5ê tebaxe de herêma Besta de artêşa tirke waranê Deriyê Qaçê û Serê Ormanî de operasyonêko hîra da destpêkedene. No operasyonon 8ê tebaxe de destveng peyser ame antene.

Bombarduman

Artêşa tirke ya îşxalkere  12ê tebaxe warê Gundê Gûzê  û Deşta Kafya yê Garê û warê  Saca, Sîda, Kurojahro, Girê Hakarî, Girê Cûdî, Girê Amediyê û Girê FMyî û Serê Metîna pê teyara, helîkopter û obusan dîyayî bombayan ver''