Merkezê Îrtîbatî û Çapemenîye yê HPGyî da zanayene ke çalakîyê hêzanê înan ê selamkerdişê Roşanê Ganîbîyayîşî yê 15ê Tebaxe bi hewayêkê qerardarî dewam kenê û derheqê hêrişê dewleta tirke û têkoşînê gêrîlayan de nê pare kerdî:

Hemleya Şorişgêre ya Bazanê Zagrosî - Zap

''11ê tebaxe de Warê Xoverdayîşî yê Çemçoyî de hêzanê droneyêk da war û desna ser.Reyna çalakîya bînê ya hêzanê ma yê eynî warî de 5 îşxalkerî ameyî cezakerdene. Eynî roje Warê Xoverdayîşî yê Şikefta Birîndara de hetê hêzanê ma yê YJA Starî ra pê çekanê giranan ameyî pirodayene.  Mewzîya A-4î û çeka ke tede bî ameyî îmhakerdene. Warê Xoverdayîşî yê Şehîd Şahînî de kepçeyê ke rayîro leşkerê viraştene ame pirodayene û xebate ameye vindarnayene.

Hemleya Şorişgêre ya Şehîd Savaş Maraşî ya Cengê Xabûrî

11ê tebaxe de hêzanê vera qereqolê Kanî Masî yo ke Metîna de yo çalakîye kerde. Na çalakîye de 2 îşxalkerî ameyî cezakerdene û mewzîyêke û mobeseyêk ameyî îmhakerdene. Eynî roje wa Warê Xoverdayîşî yê Girê Cûdîyî de îşxalkeranê ke waş mewzîyanê şerî bidê bombayan ver ameyî pirodayene û mecbûr mendê ke peyser agêrê.

Bombarduman

Artêşa tirke ya îşxalkere  11 û 12ê  tebaxe de  tenelê şerî yê Warê Xoverdayîşî yê  Werxelê û Çemçoyî pê bombayanê nukleer taktîkî û çekanê kîmyewîyan dayî bombayan ver. Reyna Warê Xoverdayîşî yê Saca, Girê Cûdî,Girê Bahar,Girê Amedîyê, Sîda,Werxelê, Girê Hakarî,Şikefta Birîndara, Girê FMyî û warê Gundê Gûzê, Girê Zengil, Gundê Bêbadê, Deşta Kafya û Dola Mêranê yê Garê pê teyara, helîkopter û obusan dîyayî bombayan ver''