Merkezê Îrtîbatî û Çapemenîye yê HPGyî da zanayene ke çarçweya Hemleya Şorişgêre ya Şehîd Bagerî û Şehîde Ronya de hêzanê înan çalakîyî kerdî û detayê ci pare kerdî:

Gever de 4 leşkerî ameyî kiştene

''25ê hezîrane de hêzanê ma Geverê Colemêrgî de da dişmenî ro. Çalakîya ke rayîrê warê Dola Heyderan de ameye kerdene de wesayîto ke hedef ame girewtene ame îmhakerdene û 4 leşkerê ke tede bî ameyî cezakerdene. Badê çalakî  îşxalkeran herême de operasyon da destpêkerdene.

Gerîlayêk şehîd bi

26ê hezîrane de çarçeweya operasyonî de warê Qirrika Çeta de bi helîkoteran leşkerî ameyî cakerdene. Operayono ke hema dewam keno de teyarayanê şerî herême bombarduman kerde. Operasyon de embazê ma Brusk Botan şehîd bi. derheqê nasnameyê ci de peyra do zanayîş bêro dayene.

Warê Ermûşî de 2 leşkerî ameyî kiştene

27ê hezîrane de hêzanê ma Herêmanê Pawitişî yê Medya vera îşxalkeran çalakîyêke kerde. Çalakîya ke Qilê Şehîd Sefkanî yê warê Ermûşî de ameye kerdene de mewzîyekê dişmenî bitesîr ameyî  pirodayene û 2 leşkerî ameyî cezakerdene.

Lêlîkan de îşxalkerî ameyî pirodayene

29ê hezîrane de (ewro) hêzanê ma Qilê Lêlikanî yê herêma Xakurkê de  îşxalkerî hedef girewtî û stargeh û mewzîyanê înan ser o guleyî varnayî.  Derheqê merde û birîndaranê dişmenî de zanayîş nêame girewtene. Badê çalakî  Qilê Şehîd Derweş û dormeyê dewa Lêlîkanî ameyî bombardumankerdene.

Arîne Engîzek  weş û war resaye yewîya xo

Ma eşkerayîya xo ya 28ê hezîrane de dabi eşnawitene ke pêkewtişê warê Şeşdara yê 25ê hezîrane de embaza ma Arîne Engîzek şehîd bîya.  Embaza ma  şehîd nêbîya û waş û war resaya yewîya xo.

Hêrişê hewayî

28ê hezîrane de Heftanîn de dewa Minînê bi obus û hawanan ameyî bombardumankerdene. Netîceya hêrişî de keyeyanê şarî de şewat vejîya.  Reyna warê Çemço yê herêma Zapî ser o zî bombayî ameyî varnayene. Hêrişan de vînîbîyayeyê ma çîn ê.  Eynî roje Dola Reşme, Kanîya Şehîd Bêrîtane û Mahîr Mirxo yê herêma Zapî ameyî bombardumankerdene.  Netîceya hêrişî de şewato ke dest pê kerd hema zî dewam keno.''