Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Kato Xelîla de 10 îşxalkerî ameyî cezakerdene

13ê teşrîna  verêne de warê Kato Xelîla yê qezaya Şaxî yê Wanî de hêzanê ma yê YJA Starî grûbêka îşxalkere girewte binê kontrolî û dima ra pê çekanê ferdîyan hîrê hetan ra da piro. Çalakîye de 10 leşkerê tirkî yê îşxalkerî ameyî cezakerdene û leşkerêk zî birîndar bi.  Dewleta tirke û medyaya ci ya şerê taybetî reyna pê xeberanê zûran şar xapîna û vat têna yew leşkero payeberz ameyo kiştene.

16ê teşrîna verêne de Warê Xoverdayîşî yê Çemçoyî de îşxalkerî pê çekanê giranan têdima ameyî pirodayene. Na çalakîye de 3 îşxalkerî ameyî cezakerdene. Eynî roje Warê Xoverdayîşî yê Girê Cûdîyî de îşxalkerî pê çekanê giranan ameyî pirodayene.

Bombarduman

Artêşa tirke ya îşxalkere 16ê teşrîna verêne de mewzîyê şerî yê Şehîd Serxwebûnî yê Warê Xoverdayîşî yê Çemçoyî, mewzîyê şerî yê Şehîd Felatî yê Warê Xoverdayîşî yê Sîda pê bombayanê qedexeyan û çekanê kîmyewîyan dayî bombayaan ver. Reyna Warê Xoverdayîşî yê Saca, Girê Hakarî, Girê Amedîyê, Girê FM, Çemo, Karker  û warê Çarçel û Golka û erazîya Gundê Şêlazê yê Metîna pê teyarayanê şerî, helîkopteranê hêrişî û obusan dîyayî bombayan ver.''