Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîye de nê ameyî parekerdene:

''Çarçeweya Hemleya Şorişgêre ya Cengê Heftanînî  ya ke Heftanîn de dewam kena de gerîlayan 1ê gulane de  vera leşkeranê tirkî yê ke Girê Keçelî de ameybî cakerdene çalakîyêke viraşte. Çalakîya ke mewzî û stargehê dişmenî bitesîr ameyî pirodayene de hûmara merde û birîndaran ê dişmenî nêameyî safîkerdene. Badê çalakîye teyarayanê şerî yê dewleta tirke warê Qesrokê, Geliyê Pisaxa, Gundê Peraxî bombardûman kerdî. Nê hêrişan de vînîbîyayeyê ma çîn ê.

29ê nîsane de artêşa tirke Qilebanê Şirnexî de operasyon da destpêkerdene. Operasyono ke waranê Geliyê Hêzil, Gundê Mêhrê, Gundê Xozê û Girê Rizde  de ame viraştene 30ê nîsane de destveng peyser ame antene.

1ê Gulane de artêşa tirke dormeyê qilê Koordîneyî yê Şemzînanê Colemêrgî de operasyonêk da destpêkerdene. Operasyon eynî roje bênetîce peyser ame antene.

Teyarayanê şerî yê dewleta tirke 28ê nîsane de bajarê Duhokî yê Başûrê Kurdîstanî de dormeyê Gundê Şêxî yê bajarekê Çemankê, 30 nîsane de zî warê Kunişka yê Zapî bombardûman kerdî. Nê hêrişan de vînîbîyayeyê ma çîn ê.''