Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêka nuştekîye daye û nê pare kerdî:

Heftanîn

''Çarçewa Hemleya Şorişgêre ya Cenge Heftanînî de hêzanê ma 4ê teşrîna peyêne de veraşan vera îşxalkeran çalakîyêke kerde. Îşxalkerî ke Qilê Koxê Mele Yahya yê warê Şehîd Kendalî yê Heftanîn de ameyî cakerdene di perran ra ameyî pirodayene. Çalakîya bitesîre de di mewzî û îşxalkerî mesafeyo nizdî ra ameyî pirodayene  la hûmara merde û birîndaran ê dişmenî nêameyî safîkerdene.

Badê  çalakîye artêşa tirke bi çekanê giranan derûdor bombarduman kerd.

Colemêrg

4ê teşrîna peyêne de hêzanê ma qezaya Çelê ya Colemêrgî de vera îşxalkeran çalakîye kerde. Îşxalkerî ke qilê Şehîd Rêberî de ameyî cakerdene ameyî hedefgirewtene. Çalakî de 3 îşxalkerî ameyî cezakerdene û mewzîyêk ame îmhakerdene.

Herêmê Pawitişî yê Medya

Artêşa tirk a îşxalkere 4ê teşrîna peyêne de vera Herêmanê Pawitişî yê Medya hêrişê hewayî kerdî. Saetanê veraşan de dormeyê dewa Duvriyê ya Garê, û saetanê nêmroje de Qilê Girê Sorî yê herêma Avaşînî ameyî bombardumankerdene. Nê hêrişan de vînîbîyayeyê ma çîn ê.''