Merkezê Îrtîbatî û Çapemenîye yê HPGyî derheqê çalakîyanê gerîlayan ê ke Herêmê Pawitişî yê Meyda de ameyî viraştene de eşkerayîyeke daye û nê pare kerdî:

''29ê adare de hêzanê ma yê YJA Starî Heftanîn de çarçewaya Hemleya Şorişgêre ya Cengê Heftanînî de vera artêşa tirke çalakî viraşte. Çalakîya suîqetî ya ke vera leşkeranê ke Qilê Partîzanî de ameybî cakerdene ameye viraştene de leşkerêk ame kiştene. Hêzanê ma bi hawayêkê hemwextî mewzî û stargehanê  dişmenî ser o zî adir varna û kamerayêka mobese îmha kerde. Eynî roje çarçweya Hemleya Şorişgêre ya Şehîd Bager û Şehîde Ronya de hêzanê ma Xakurkê de vera îşxalkeran çalakîyêka bine viraşte. Çalakîya ke Qilê Axîne de ameye viraştene de mewzî û stargehê dişmenî bitesîr ameyî pirodayene la hûmara merde û birîndaran ê leşkeran safî nêbîye.''