Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Xakurkê

''20ê tebaxe de herêma Şêxzade yê Xakurkê  de hêzanê ma di  kamerayê mobese îmha kerdî. Badê çalakîye droneyê ke herême de gêrayêne ameyî hedefgirewtene û mecbûr mendê ke peyser agêrê.

Metîna

18ê tebaxe de leşkerê tirkan herêma Metîna de Qirê Çarçelî cayo ke hêzê PDKyî tede ameyî cakerdene ra waşt ver bi mewzîyanê şerî yê Şehîd Pilingî yê Warê Xoverdayîşî yê Girê Hakarî aver şirê. Îşxalkerê ke hetê hêzanê ma ra ameyî pirodayene û  ameyî derbkerdene. Badê çalakîye herême pê teyareyan dîya bombayan ver. Îşxalkeranê ke derbî werdî warê Şehîd Pilingî ra peyser agêrayî.

19ê tebaxe de Warê Xoverdayîşî yê Girê Amedîyê de helîkopterê skorskyo ke waşt dormeyê mewzîyanê şerî yê Şehîd Gelhatî de leşkeran rono, hetê hêzanê ma ra ame pirodayene.  Helîkoptero ke ame derbkerdene hema ke leşkerî nînayî ro  kerd ke peyser ver bi sînorê Vakurê Kurdîstanî agêro la nizdîyê Qereqolê Girê yê Çelê de gina war bi saetan vêşa bi wel.

20ê tebaxe de Warê Xoverdayîşî yê Girê Cûdîyî de îşxalkerî bi taktîkê sabotajî ameyî pirodayene û kamerayêka mobese ameye îmhakerdene. Eynî roje Warê Xoverdayîşî yê Girê Amedîye de çalakîya sûîkastî ameye kerdene û îşxalkerêk ame cezakerdene.  Badê çalakîye hêzanê ma yê YJA Starî yew dron îmha kerd.

Bombarduman

Artêşa tirke ya îşxalkere 19 û 20ê tebaxe de vera mewzîyanê şerî yê Warê Xoverdayîşî yê Şikefta Birîndara , Girê Amedîyê û Karkerî pê çekanê kîmyewîyan, bombayanê taktîk nukleer û bombayanê fosforî dayî bombayan ver. Reyna Warê Xoverdayîşî yê Girê Amedîyê, Saca, Kurojahro  û Şikefta Birîndara bi pê teyara, helîkopter û obusan dîyayî bombayan ver.''