Gerîlayan herêma Metîna ya Herêmanê Pawitişî yê Medya de kameraya fotografan a nimite ya leşkeranê tirkan tesbît kerde û dima îmha kerde.

Dewleta tirke ya îşxalkere 23ê nîsane ra nata bêmabên hêrişê herêmanê Zap, Avaşîn û Metîna yê Herêmanê Pawitişî yê Medya kena. Menganê peyênan de artêşa tirke ya îşxalkere vera gerîlayan çeka kîmyewîye û gazê jehrînî xebitnena la reyna zî pê xoverdayîşê gerîlayan nêeşkena.

4ê teşrîna verêne de saete 15.40 de warê Girê Azadî yê Metîna de gerîlayan makînaya fotografan a nimite ya artêşa tirke tesbît kerde. Gerîlayan dîmenê nê helan girewtî.

Dîmenan de aseno ke makîna ameya kamuflekerdene û gerîlayêk aye îmha keno.

Gerîlayan 23ê nîsane ra nata dest na xeylêk malzemeyanê leşkeranê tirkan.

Leşkeran wexto ke herêma Werxelê ya Avaşînî ra remaybî peyê xo de xeylêk malzemeyî ver dayî. Dîmenê nê helan zî 14ê teşrîna verêne de ANF de ameybî weşanayane.