Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Hêzanê a 28ê teşrîna verêne de herêma Bagokî ya Mêrdînî de vera Xeta Petrol Boru yê Botaşî çalakîya sabotajî kerde. Netîceya çalakîye de xeta boruyî ameye îmhakerdene.

Dewleta tirk a îşxlakere 14ê teşrîna verêne de Çelê ya Colemêrgî de operasyon da destpêkerdene. Operasyono ke dewanê Gizê, Zaîte, Tubxubê, Guzereşê, Sisrta Helwesîs û Sirta Pîrê û Qilê Şehîd Egîdî de ame kerdene 24ê teşrîna verêne de destveng peyser ame antene.

26ê teşrîna verêne de di kesan ra tîmêkê ma yê profesyonelî qezaya Îskederûnî ya Hatayî de çalakîyêke kerde. Derheqê na çalakîye de xeberê ke medyaya tirkî de vejîyayî xelet ê. Gama ke ma derheqê na çalakî de detayê hîrayî bikewê destê ma, ma do rayapêroyî dir pare bikerê.

Teyaranê artêşa tirke 24ê teşrîna verêne ra heta 28ê aşme Herêmanê Pawitişî yê Medya ser o bombayî varnayî. 24ê aşme de Garê de dewa Yekmalê ya  warê Bergarê û herêma Xakurkê de warê Kolîtî ke şaro sîvlî tede yo ameyî bombardumankerdene. Netîceya hêrişî de wesayîtî ameyî îmhakerdene û ziraro madî ame meydan. Reyna 25ê aşme de herêma Garê de dewa Çemrobotkî ya warê Merokê, 26ê aşme de  herêma Zapî de warê Herfê Tyî û warê Çemço ser o bombayî varayî. 27ê aşme de reyna herêma Garê de dewa Kanî Ohranî ya warê Sîyanê û 28ê aşme de  mintiqaya Stêvra Jêrî ya Kanîya Kontra ya pabesteyê warê Merokê yê herêma Garê û Zap de warê Çemço û warê Sida ameyî bombardumankerdene. Netîceya hêrişan de vînîbîyayeyê ma çîn ê.''