Gerîlayanê Azadîya Kurdîstanî bi rayîrê ajansê ma Newroza azadîye fîraz kerde.

Gerîla Zîlane Sipêrtî vat: ‘’Na Newroze bi mektuba Rayberîye ma rê hîna rind ameye. Sey gerîlayanê YJA-Starî moral û kelecanê ma zafêr ê. Mesajê Rayberîye ma hişyar kerdî û xoverdayîşê ma pîlêr kerdî. Bi fikranê Rayber Apoyî şarê kurdî bi wayîrê îradeyî. Ma mîyanê şarê xo de nîyê la wina hîs kenê, teqîb kenê û hêvîya xo pîl kenê. Ma wina hêvî kenê ke 2026 de Sûranê Amedî de Rayber Apoyî û şarê xo reyde Newroze fîraz bikerê.’’

Gerîla Gernas Horasanî vat: ‘’Ma Newroze pêro şarê ma, şehîdan û Rayber Apoyî rê fîraz kenê. Newroza 2025î do ê bînan ra cîya biba. Yew xeyalê Rayberîya ma est o û ma do nê xeyalî bîyarê ca.  Bi xoverdayîşê Rayberîye ma nê destkewteyî vistî destî. Ewro waştişê azadîya seba Rayber Apoyî hîna xurtêr o. Ameyoxê Azadî de ma do Rayber Apoyî reyde Sûranê Amedî de Newroze fîraz bikerê. Bi nê ferasetî ma têkoşînê xo pîlêr kenê.’’