Hêzanê PDKyî 23ê teşrîna peyêne de hîrêgoşeyê Metîna û kişta îstasonê petrolî yê dewa Seferya de nuqtaya kontrolî naye ro.

Goreyê zanayîşanê ke ameyî girewtene PDKyî herêma Berwarî rê hêzo çekdar û cepilxane sewq kerdî. PDK seba ke nuqtayanê gerîlayan teqîp bikero, herême de hêzanê xo zêdîneno. Goreyê çimeyanê cayîyan gerîlayanê HPG û YJA Starî seba ke tewirê xo yê provokatîf caverdî, hêzê PDKyî hîşyar kerdî la PDKyîjanê ke goş nêna vengdayîşê gerîlayan ser, amadekarîya provokasyonî rê dewam kenê.