Bi wesîleya serrgêra şehdatê  Endamê Komîteya Rayberdişî ya PKK’yî û Konseya Komûta ya HPG’yî Atakan Mahîr ( Îbrahîm Çoban) hemrayanê ey qalê ci kerd.

Ruhê Hemrayîye yê Embaz Atakanî Tim Ganî Bi

Fermandaranê HPG’yî ra Firat Cesûrî ard ziwan ke ey serr a 1998’î de Dêrsim de Atakan Mahîr  nas kerdo û vat: ’’Kombîyayîşo rêxistinkî yo verên o ke ez tewrê ci bîya tewirê embaz Atakanî bale mi ante. Rixmo ke o fermandar bi selahîyet nê kesîya ey kesî ser o tesîr kerdêne. Hêzê dayenê embazanê xo seba ey perwerde zaf muhîm bi, timûtim perwerde kerdene. Embaz Atakan bi ciwiyayîşê xo sey  dervîşan bi, û şerwanê heqîqetî bi û parekerdişî ra heskerdêne. Ruhê  hemrayîya ci tim ganî bi. Hemra Atakan kesîye serewedarteyî yê Dêrsimî nas kerdçne û tecrubeyê înan goştarî kerdêne. Çew eşkeno vajo ke şarê Dêrsimî ey ra ey zî şarê Dêrsimî ra zaf çî musa. Hemra Atakan hetê şarî ra zaf ameyêne heskerdene. Bitaybetî bi ciwanan tekîlîya ey rind bî. Semedê şarê ke derûdorê ey de ameyêne pêser, hemra Atakan sey kitabxaneyî bi.’’

Hemra Atakan Xoserîya Cimatê PKK'yî Bi

Gerîlaya YJA Starî Sema Gabar a ke 2011 de Dêrsim de Atakan Mahîr nas kerd, aye zî derheqê ci de nê vatî: ’’Gama ke mi hemra Atakan dî, çîyo ke tewr vernî de  tesîrê mi kerd, germayîya tekîlîya ey bi embazan bî. Tim mîyanê embazan de bi û bi tewirê xo ramotene ke ê zaf ercîyaye yê û înan ra zaf hes keno. Embaz Atakan kedkar bi, her gure de ca girewtêne û pratîk de embazanê xo rê bîyêne nimûne û moral dayêne înan. Heme embazan waştêne ke cayê hemra Atakanî de bimanê. Bi ziwanê nermî qisey kerdêne û embazê cade îkna kerdêne. La eke cayêk de xeletî bîbîyêne  ûca tewirê xo yê tujî ramotêne. Nêzdibîyayîşê ey yê vera cinîyan zî  mi ser zaf tesîr kerd. Sey tayî embazan ê cinî pasîf nêdîyêne vatenê wa cinî her ware de cayê xo bigêrê. Nê tewirê ey nêzdîbîyayîşê negatîfî bedilnayî. Gama ke embaz Atakan û Baran Dêrsim ameyêne têhet  ma re sey perwerdeyî ravêrtene.  Rixmo ke embaz Atakan bi serran şer de mendo mi rojêk o bêmoral nêdî. Heyecan, moral, waştişê cuya û ûmid  dayêne. Embaz Atakan birey nê kesîyêka cImatkî bi.Tena xo nêbi, embaz, hemra û  temamê peymeyanê partî bi, yew cemat bi. Xoserîya cimatê PKK’yî bi.’’

Endamê Komîteya Rayberdişî ya PKK’yî û Konseya Komûta ya HPG’yî Atakan Mahîr ( Îbrahîm Çoban), endamê îdareyê Eyaletê Erziromî Ronî Mûnzûr ( Mahmût Laçîn) pîya bi gerîlayanê HPG û HBDH’yî Şoreş, Alî, Zinar û Rabûnî 11’ê Tebax a 2018’î de qezaya Pilemûrîye ya Dêrsim de operasyonê artêşa Tirkî de bi xoverdaşîyêkê qehremankîyî cuya xo vînî kerdebî.