Gerîlayan ra çalakîyê 15’ê Tebaxe: 10 merdeyî

HPG’yî  da zanayene ke gerîlayan bi çalakîyan serrgêra 35’ine ya 15’ê Tebaxe silam kerde û vat çalakîyan de 10 îşxalkarî ameyî kiştene.

Merkezê Çapemenî û Îrtîbatî yê HPG’yî bi eşkerayîyêk da zanayene ke gerîlayan bi çalakîyan serrgêra 35’ine ya 15’ê Tebaxe silam kerde û vat çalakîyan de 10 îşxalkarî ameyî kiştene.

Gever

Eşkerayîye de ame vatene ke gerîlayan çarçeweya Hemleya Şorişgêre ya Şehîd Bager û Şehîde Ronya de 15’ê Tebaxe de çalîkîyî vîraştî û nê ameyî parekerdene: ‘’Hêzanê ma qezaya Geverî ya Colemêrgî de vera leşkaranê ke Qilê Şehîd Afatî de ameyî cakerdene çalakîyêk viraşte. Çalakîya gerîlayî şîyê mewzîyanê dişmenî ser, 4 mewzîyî ameyî îmhakerdene û 7 leşkerî ameyî kiştene. Dimayê çalakîye herêmê  Satê û Qilê Şehîd Afatî ser ra tegêrayîşê helîkopteran dest pêkerd. Hêzanê ma helîkopterêk hedef girewt û ê mecmur mendî ke peyser agêrê.

Çelê

Qezaya Çelê  de zî mabênê Qilê Asayîşî û Alayê  Bîlîcanî de vera wesayîtêkê artêşa Tirkî çalkîya sabotajî ameye viraştene. çalakîye de wesayît temamî de ameyî îmhakerdene û 2 leşkerî ameyî kiştene û 3 zî birîndar bîyî. Reyna Qilê Koordîne yê Çelê de zî vera îşxalkaran di çalakîyî ameyî viraştene. Çalakîyê ke mewzî û stargehê dişmenî bitesîr ameyî pirodayene derheqê merde û birîndarnê dişmenî de zanayîş nêame girewtene.

Amed

23’ê Temmuze de hêzanê ma semtê şehîdgehî yê  Amedî de vera wesayîtê îstîxbaratkaran çalakîyêk viraşte. Çalakîya ke wesayît mesafeyo nêzdî ra bitesîr ame pirodayene endamêkê îstîxbaratî ame kiştene 3 zî birîndar bîyî. Yewîya ma ya ke çalakîye viraşte weşûwar resaye cayê xo.’’

Hêrişê Hewayî

10’ê Tebaxe ra heta 16’ê Tebaxe ( ewro) teyaryanê şerî yê dewleta Tirkî xeylî herêmê Wareyê Pawitişî yê Medya Bombardûman kerdî. Goreyê naye  Gare de wareyê Merokê, Heftanîn de wareyê Şehîd Kendalî, Metîna de wareyê Kesta, Zap de wareyê Şikefta  Birindarê, Xakurkê de wareyê Bîrîkîmî ameyî bombadûmankerdene. Hêrişê vera Zapî yê 14’ê Tebaxe de embazêkê ma şehîd bi. Hêrişanê bînan de vînîbîyayeyê ma çîn ê.’’