Merkezê Îrtîbatî û Çapemenîye yê HPGyî derheqê çalakîyanê gerîlayan hêrişê dewleta tirke de eşkerayîye daye. 

HPGyî vat: 'Çalakîyanê hêzanê ma yê semedê yadkerdişê fermandara bêmerge Şehîd Bêrtîtane (Gulnaze Karataş) de yewê înan fermandaro payeberzo bi nameyê Yusufî 5 îşxalkerî ameyî cezakerdene û 3 îşxalkerî birîndar bîyî.''

Detayê eşkerayîye wina yê:

Herêma Şehîd Delîlî ya Rojawanê Zapî;

''24ê teşrîna verêne de Warê Xoverdayîşî yê Girê Baharî de îşxalkeran kerd ke ver bi tunelanê ma yê şerî şirê. Nê îşxalkerî hetê hêzanê ma ra gerîyayî binê kontrolî û dima ra ameyî pirodayene. Masefeyê nizdî ra verê fermandarê înan dima ra îşxalkerî bi bombayanê destan û çekanê ferdîyan ameyî pirodayene. Çalakîye de 4 îşxalkerî ameyî cezakerdene û 2 îşxalkerî birîndar bîyî. Ame tesbîtkerdene ke fermandarê îşxalkerî yo ke ame cezakerdene nameyê ci Yusuf o. Hêzê ma şîyî meyîtanê îşxalkeran ser û destna çekan û melzemeyê leşkerî yê înan ser.

Eynî roje Warê Xoverdayîşî yê Girê FMyî de teqaberê îşxalkeran bi taktîkê sabotajî ameyî îmhakerdene.

Herêma Xakurkê;

24ê teşrîna verêne de Warê Xoverdayîşî yê Girê Meskenî de îşxalkerî bi çekanê giranan ameyî hedefgirewtene. Na çalakîye hetê hêzanê ma yê YJA Starî ra ameye kerdene.

Herêma Metîna;

24 û 25ê ê teşrîna verêne de Warê Xoverdayîşî yê Serê Metîna de îşxalkerî bi çekanê nêm otomatîkan ameyî pirodayene. Nê çalakîyan de îşxalkerêk ame cezakerdene û îşxalkerêk birîndar bi. Nê wird çalakîyî hetê hêzanê ma yê YJA Starî ra ameye kerdene.

Çekê qedexeyî;

24ê teşrîna verêne de Warê Xoverdayîşî yê Girê FMyî yê Herêma Şehîd Delîlî ya Rojawanê Zapî de tunelê  bi teqaberanê qedexeyan dîyayî bombayan ver.

Bombarduman;

24, 25ê teşrîna verêne de  warê Şêxan, Silê, Bêpala, Sûredê yê herêma Qendîlî,Warê Xoverdayîşî yê Sinînê, Berbizinê yê herêma Xakurkê, warê Şehîd Aslan, Sêdarê, Girê Reşît, Siyanê, Ergenê, Mam Nêçîr yê herêma Garê 22 reyî bi teyarayanê şerî dîyayî bombayan ver.

Eynî roje Warê Xoverdayîşî yê Sinînê, Girê Şekîf, Şehîd Şerîfî yê herêma Xakurkê, Warê Xoverdayîşî  yê Girê Baharî yê herêma Zapî 11 reyî  bi helîkopteranê şerî dîyayî bombayan ver.''