Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan ê 13-16’ê Gulane û hêrişê artêşa Tirkî de zanayîş da.

Eşkerayîye de ca dîya nînan: ‘’13’ê Gulane de artêşa Tirkî  herêma Qelanîsî ya qezaya Beykanî ya Sêrtî de bi paştdayîşê yewîyanê nimiteyan dest bi oprasyonêk kerd. 15’ê Gulane de hêzanê ma qilo ke koordîneyê operasyonî tede bi hedef girewt û hîrê hetanê cîyayan ra dişmenî ser o guleyî varnayî, 3 eskerî ameyî kiştene û xeylî zî birîndar bîyî. Çalakîye ra dima yewîyê nimiteyî peyser ancîyayî. Embazanê ma yê ke çalakîye viraşte zirerêk nêresa înan.

Îdir de zî çarçeweya Hemleya Şorişgêre ya Serkewtişî ya ke Eyaletê Serhadî de yena domnayene, 16’ê Gulane de Bêrê Sinorî yê Dîlûcû de vera tankerêkê artêşa Tirkî çalakîya sabotajî ameye viraştene. Heman wextî de banê mudirîya gurmrukî û qereqolê polîsan zî bitesîr ameyî pirodayene. Netîceyê çalakîye de konteynirê  polîsan  yê ke dormeyê tankerdi de bî heme vêşayî û polîsê ke sinor de bî remayê hetê Azarbaycanî. Reyna wesayîtê zirxinê ke semede paştdayîşî ameyî ê zî hetê hêzêna ma ra ameye pirodaeyene. Derheqê merde û birîndaranê dişmenî de zanayîş dest nêkewt.

15’ê Gulane de teyareyanê şerî yê Artêşa Tirkî Wareyê Pawitişî yê Medya ra herêma Şehîd Şahînî ya pabesteya Zapî bombardûman kerd. Bombardûman de vîndîbîyayeyê ma çîn ê.’’