Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Gerîlayanê Azadîye yê Kurdîstanî Vakurê Kurdîstanî ra heta Herêmanê Pawitişî yê Medya vera artêşa tirke ya îşxalkere çalakîyî kerdî. Çalakîyê ke bi taktîkê terzê afernayoxî yê gerîlayan ameyî kerdene de îşxalkeran derbeyê girdî werdî. Bi ruhê hemleya şorişgêre Vakurî ra heta Başûrî çalakîyê ke ameyî kerdene de kontrayêk û 25 îşxalkerî ameyî cezakerdene, 4 îşxalkerî birîndar bîyî û yew çeka A4î ameye îmhakerdene. Warê Xoverdayîşî hetê artêşa tirke ra bi desan rey pê obus, teyara û helîkopteran dîyayî bombayan ver.

 Hemleya Şorişgêre ya Şehîd Şervan-Şehîde Diljîne Egîdanê Botanî

Warê Girê Tenûrê yê herêma Besta de 13ê hezîrane de hêzanê ma çalakîya sûîkastî kerde. Na çalakîye de kontrayêk ame cezakerdene û yew çeka A4î ameye îmhakerdene. Warê Kato Xelîla yê qezaya Şaxî ya Wanî de 11ê hezîrane de oeprasyon dîya destpêkerdene. Hêzanê ma 18ê hezîrane de hîrê hetan ra tîya da îşxalkeran ro. Çalakîye de tewr tay 3 îşalkerî ameyî cezakerdene.

Hemleya Şorişgêre ya Şehîd Savaş Maraşî  Cengê Xabûrî

Warê Xoverdayîşî yê Girê FMyî de 19ê hezîrane de serê sibayî ra heta saetanê şanî vera îşxalkeran têdima çalakîyî ameyî kerdene. Tîya ge-ge pêkewtişî zî qewimîyayî. Çalakîyan de 14 îşxalkerî ameyî cezakerdene û 4 îşxalkerî birîndar bîyî. Îşxalkerê ke remayî erazî ra vila bîyî tîya hetê hêzanê ma yê YJA Starî ra ameyî pirodayene, 6 îşxalkerî ameyî cezakerdene.  Eynî roje Warê Xoverdayîşî yê Girê Cûdîyî de zî 2 îşxlakerî ameyî cezakerdene.

Bombarduman

19ê hezîrena de Warê Xoverdayîşî yê Karker, Werxelê, Girê Cûdî, Girê Amediyê, Kurojahro, Saca, Karker, Çemço û dormeyê dewa Şiyê ya bajarekê Dînartê ya ke herêma Garê de ya hetê artêşa tirke ra bi desan rey pê obus, teyara û helîkopteran dîyayî bombayan ver.''