Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

“ Hemrayê ma Agir Tilezer (Xalid Qasim) 11ê Hezîrana 2022yî de herêma Zapî de tewrê kerwanê şehîdan bi. Nasnameyê hemrayê ma yê şehîdî wina yo:

Nameyê Qodî: Agir Tilezer Name û Peyname:  Xalid Qasim Cayê Bîyayîşî: Şengal Maye-Pî:  Zîne – Qasim Tarîx û Cayê Şehadetî: 11ê Hezîrana 2022yî / Zap

Hemrayê ma Agir Tilezerî bajarekê Dugura yê Şingalî de yeno dinya û keyeyêkê welatperwerî de beno pîl. Bado ke çetayanê DAÎŞ vera Şingalî ferman kerd, tewrê sefanê YBŞyî beno û seba ke qesasê şehadetan bîgêro cephe de cayê xo geno. Nê prosesî de gerîlayê PKKyî yê ke vaz dayî gazîya Şingalî, înan nas keno û binê tesîrê înan de maneno. Dima ke Şingal çeteyan ra yeno xelisnayene o zî pîya bi gerîlayanê azadîye agêrêno koyanê Kurdîstanî. Wextê hêrişê îşxalî yê dewleta tike yê vera Başûrê Kurdîstanî de Warê Xoverdayîşî yê Werxelê de cayê xo  geno. Hemrayê ma Agir sey  cuye şer de zî beno fermandarê ma yo serkêş. Ma sere de keyeyê ci yo ercîyaye yo ke wina fermandarêko ercîyaye kerdo pîl û têkoşînê şarê ma rê dayo qezenckerdene û heme şarê Şingalî rê serweşîye wazenê.

Çalakî

11ê kanûne de Warê Xoverdayîşî yê  Sîda de îşxalkerîameyî pirodayene, îşxalkerêk ame cezakerdene.  Nêzdîya dewa Sîda ya qezaya Şêladizê ya Amedîyê de îşxalkerî hîrê rey ameyî pirodayene û derbkerdene. Warê Xoverdayîşî yê Girê Cûdîyî de îşxalkerî xeylêk erey ameyî pirodayene, 2 îşxalkerî birîndar bîyî û helîkopteranê ke waşt herême de leşkaran ronê mecbûr mendê ke peyser agerê.

Hêriş

Artêşa tirke ya îşxalkere 11ê kanûne de mewzîyê şerî yê nêzdîyê dewa Sîda ya qezaya Şêladizê ya Amedîyê û mewzîyê şerî yê Şehîd Pîrdoganî yê Warê Xoverdayîşî yê Girê Amedîyê pê çekanê kîmyewîyan û bombayanê qedexeyan dayî bombayan ver. Reyna mewzîyê şerî yê Saca,, Kurojahro, Girê Amediyê, Girê FM, Girê Cûdî, Girê Bihar, Çemço, Girê Ortê, Girê Cûdîyî pê teyarayanê şerî, helîkopteranê hêrişî, obus, tanq û çekanê giranan bi desan rey dîyayî bombayan ver.”