Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

“Herêma Geverî;

Mabenê tarîxanê 13-20ê gulane de waranê Xapûrtê, Yekmalê, Mûşanê û Memkawa yê herêma Geverî de 7 maknîneyê fotografanê ke dewleta tirke erazî de ca kerdbî ameyî îmhakerdene.

Herêma Metîna;

22ê gulane de Warê Xoverdayîşî yê Şêlazê de îşxalkerî bi taktîkê suîkastî ameyî pirodayene. Na çalakîye de îşxalkerêk ame cezakerdene û îşxalkerêk zî birîndar bi. Eynî roje eynî warî de îşxalkerî bi çekanê otomatîkan ameyî pirodayene.

Herêma Zapî:

22ê gulane de Warê Xoverdayîşî yê Girê Cûdîyî de û 23ê gulane de Warê Xoverdayîşî yê  Girê Amediyê de îşxalkerî bi çekanê otomatîkan û giranan ameyî pirodayene. 23 gulane de Warê Xoverdayîşî yê Girê FMyî de bi çalakîya suîkastî sîstemêkê kameraya mobese ame îmhakerdene û 24ê gulane de îşxalkerî bi çekanê giranan ameyî pirodayene , mewzîyêke ameye derbkerdene.

Hêrişê çekanê qedexeyan;

23ê gulane de Warê Xoverdayîşî yê Girê FMyî de tunelê ma bi 17 rey bi gazanê kîmyewîyan 5 rey zî bi teqebaranê qedexeyan dîyayî bombayan ver. Eynî ro Warê Xoverdayîşî yê Girê Cûdîyî tunelê ma bi droneyanê teqebar barkerdeyan dîyayî bombayan ver.

Bombardumanê artêşa tirke;

23, 24 û 25ê gulan ede warê Goşînê, Kolît, Lolan, Sinînê yê herêma Xakurkê, warê Gûzê yê herêma Garê, Warê Xoverdayîşî yê Şêlazê, Dergelê û Bêşîlî yê herêma Metîna,Warê Xoverdayîşî yê Girê Amediyê, Girê Baharî  yê herêma Zapî pêro pîya 13 rey pê teyarayanê şerî dîyayî bombayan ver."