Wexto ke dewleta tirke ya îşxalkere hêrişê îşxalî kena gerîlayan serrgêra ronîyayîşê PKKyî koyanê Kurdîstanî de bi adir û meşaleyan fîraz kerde.

Gerîlayan bi merasîmêkê heybetînî ronîyayîşê PKKyî fîraz kerd. Merasîmî seba yadkerdişê şehîdanê şorişî bi deqayêkê rêzgirewtişî dest pêkerd. Endamê Koordînasyonê Komalanê Ciwanan Ozgur Şerkerî qisey kerd û ard ziwan ke têkoşînê PKKyî yê 44 serran bi bedelanê giranan resayo na aste.

Şerkerî ard ziwan ke têgêrayîşê PKKyî şexsê Rayberê Şarê Kurdî Abdullah Ocalanî de, sey têgêrayîşêkê ciwanan vejîyayo werte û ewro dewleta tirke ya îşxalkere û faşîste vera ciwananê Kurdîstanî metodê şerê taybetî şuxilnena.

Eşkerayîye de ame vatene ke têkoşînê PKKyî bêmabên dewam keno û wina ame vatene: ''Ma do serra 45. ya têkoşînê azadîye bi ruhê ciwanî, bi îrade û bi bawerîye pîl bikerê, rayraşîyayîşê Rayberîye yê 45 serran bi serkewtişî tacîdar bikerê. Wa dewleta tirke hol bizana ke heta ciwanê Kurdîstanî yê Apogîrî nê erdî ser de est bê ser nêkewa. Serkewtişê nê ruho ciwan ê Rayber Apoyî yo. Ma na qayde serra 45. bi serkewtişanê pîlan biciwîyê û serkewtiş şarê xo yê welatperwerî rê bîyarê.''

Merasîm bi berzkerdişê slogananê sey “Bijî Serok Apo”, “Bê Serok jiyan nabe” û “Jin jiyan azadî” û govendan qedîya.

Gerîlayan adir vist ta û dormeyê ci de govende girewte.