4’ê Nîsanê rojbîyayîşê Rayberê Şarê Kurdî Abdullah Ocalanî heramanê gerîlayan de ame pîrozkerdene.

Fermandaranê HPG’yî ra Orhan Bîngolî ard ziwan ke na rojê tena semedê Kurdan nê semedê heme şaranê bindestan muhîm a û va: ‘‘Rayber Apo tena Rayberê ma nîyo, bi felsefeya xo zerrîya heme merdimye de ca girewto. Bi milyonan kesî xeta Rayberîye de yê. Rayber Apo roşnayîye o, cuya o, estbîyayîş û xoverdayîş o.‘‘

Gerîlayan sey her 4’ê Nîsane leyî nayî ro û bi govendan rojbîyayîşê  Ocalanî pîroz kerd.

Gerîlayanê ke ANF’yî qisey kerd, Ocalanî rê heskerdiş û giredayîya xo wina ard ziwan:

Ruken Koçere:  Ewro şexsê Rayber Apoyî de yew cimato merde cuya rê çimê xo akerdî. Coka no rojbîyayîş yeno manaya rojbîyayîşê yew cimatî.

Baz Pirdogan: Heycanê na roja bimbareke semedê ma zaf çîyêko cîya yo. Bîyayîşê Rayberîya ma bîyo xoverdayîşê yew şarî. Ma zî  bi wesîleya na roje leyan nanê ro wa wisar de zergûn bî û  boyê azadîye bidê.

Sara Cudî: Leyê ke ma nayê ro sembolê xoverdayîşê Rayberîye yê. Na roja ke sey sembolê azadîye ma ya de ez veng dana şarê Kurdî  yo ke bi xoverdayîşê Rayberîye newe ra ameyo dinya, wa xoverdayîş xurt bikero.

Doğan Zaza: Ez rojbîyayîşê Rayberîya ma şarê Kurdî û Rojakewtena Mîyanêne rê pîroz kena. Bi felsefaya Rayber Apoyî do dinya hîna rind bo.