Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Çarçeweya Hemleya Qesasî ya Şehîde Medya Mawa û Şehîd Rizgar Geverî de hêzanê ma 28ê nîsane de hêram Koyê Cûdîyî yê Şirnexî de vera atêşa tirkî  çalakîyêke viraşte. Çalakîya ke vera leşkeranê ke mabênê qilanê Bêspîn û Çelê Xwişk û Birayî de ameybî cakerdene ameye viraştene de mewzî û stargehê dişmenî bi tesîr ameyî pirodayene la hûmara merde û birîndaranê dişmenî safî nêbîye. Badê çalakîye herême ameye bombardûmankerdene. Yewîya ma ya ke çalakîye viraşte weş û war resaye cayê xo.

27ê nîsane de teyarayanê şerî yê tirkî warê Xanturî yê Heftanînî û warê Yekmalê yê Metîna, 28ê nîsane de zî warê Deşta Nehlê yê Gare, warê Mevanosî yê Avaşînî û warê Goşîne û Berbizina yê Xakurkê ser o bombayî varnayî. Netîceya nê hêrişan de vînîbîyayeyê ma çîn ê.

Dewleta tirke ya îşxalkere herêma Xakurkê yê sînorê Rojhelatî yê Kurdîstanî de hêrişê sivîlan kerd. Hemwelatijê bi nameyê Reşîd Miroyî û Taxir Tazevard şehîd bîyî. Îşxalkeran bizanayîş sivîlî hedef girewtî û da înan ro. Ma keyeyanê her di şehîdan û şarê Kurdîstanî rê seweşîye wazene.''