Gerîlayanê Komeleya Ciwananê Rojhelatê Kurdîstanî (KCR) derheqê wezîfe û berpirsîyarîya Ciwananê Kurdîstanî yê vera îşxalkeran de fikrê xo pare kerdî.

Endama Koordînasyonê KCRyî Rûheyv Agirî vat: "Nika wext wextê prosesê serewedaritişî yo. Nê hetî de pêro şorişê ke ameyî kerdene hetê cinîyanê ciwanan ra ameyî kerdene. Ganî cinîyî nê xoverdayîşî hîna xurtêr bikê, bitaybetî serewedaritişê ke Rojhelat de yenê kerdene, rayraşîyayîşê vera Îranî ganî hîna zêdêr wayîrê tewiran bibê. Seba ke dewirê peyênî de ma îşxalkerîya Îranî ya vera cinîyanê ciwanan a ke cinîyî bêveng kerdene. Çunke ê zanenê ke  hêz û îradeyê cinîyan ê ciwanan do îşxal çin bikê. Coka cinîyan tim kenê hedef. Ganî cinîyê ciwanî her ca de vengê xo berz bikê. Ganî cinîyî wayîrê tewirêkî bibê, bêveng nêbê. Ganî vajê ke xoverdayîş esto ganî ez raybera ci biba. Seba ke wayîrê erdê xo bivejîyê ganî verê xo bidê koyanê azadan û bibê şerwanê raştîye ke îşxalan çin bikê."

Endama KCRyî Dêrsime Tolhildan vat: "Bêvengmendişê vera îşxalan, zulman, qirkerdişan suc o, naye ra zî ganî tewirêko pîl bêro mojnayene. No zî hetê ciwanan ra ganî bêro kerdene. Ganî ciwanî bêveng nêmanê, tewirêkê qetî bimojnê. No tewir tewirêkê redkerdişê komployê sîstemî yo ke her ca de hêrişê kurdan, hêrişê domananê kurdan keno, kurdan qir keno. Hetê şorişî de cayê xo bigêrê yanî tewirêko tewr radîkal no yo.Eke dewlete nêverdana ciwanî bi hawayêkê azadî biciwîyê, o wext ciwanî zî wa dewlete red bikê. Eke o zî nêbo ciwanî eşkenê verê xo bidê koyanê azadan û vera dewlete têkoşîn bikê. Her çi ra verî ganî ma têkoşînêkê radîkalî bikê, no têkoşîno radîkal koyanê azadan de esto, têkoşîno azad Rojawan de, Rojhelat de, Başûr de û Vakurê Kurdîstan de û koyanê nînan de esto."