Gerîlayanê YJA-Starî serrgêra 7. ya Qirkerdişê Parisî de kadroya verêne ya PKKyî Sakîne Cansiz (Sara), temsîlkara KNKyî ya Parisî Fîdane Dogan (Rojbîne) û endama Têgêrayîşê Ciwanan Leyla Şaylemez (Ronahî) yad kerdî û sozê qesasî da.
Gerîlayanê YJA-Starî Sakîne Cansiz, Fîdane Dogan û Leyla Şaylemez serrgêra 7. ya şehadetê înan de yad kerdî û sozê qesasî û caardişê hewn û xeyalanê înan dayî.
Gerîlaya YJA-Starî Arîne Hîlvan vat: "Bi şehadetê embaze Sara tewrbîyayîşê cinîyan û hîşyarbîyayîşêko xurt ame meydan. Senî ke embaze Sara Zîndanê Amedî her tim sey şer bîye ma zî wazenê ke cuya ma her tim şer biba. Seba gerîlayanê azadîye embaze Sara xetêk a, îdeolojîyêke a. Seke Rayberîye vana 'Xovîrakerdiş îxanet o' ma zî xo vîrî ra nêkenê. Ma şexsê Sara, Rojbîne û Ronahî de pêro şehîdan yad kenê. Sozê înan, hewn û xeyalê înan reyna bêrîkerdişê înan ê Rayberîye yê ma yê. Seba caardişê înan ma do têkoşîn bikê."
Gerîlaya YJA Starî: "Gerîlayanê YJA-Starî seba qesasê embazanê ma Sara, Rojbîne û Ronahî zaf çalakîyî kerdî. Ma xeta embaze Sara de yê. Pêro xîret û çalakîyê ma seba qesas û teqîbkerdişê xeta Sara yê. Ma do bi çalakîyanê xo qesasê Sara û pêro embazanê cinîyanê ke benê hedefê îqtîdaran bigêrê.
Gerîlayêka bîne ya YJA-Starî: "Embaze Sara raybera têgêrayîşê ma ya cinîye bîye. Sara, Rojbîne û Ronahî hetê namerdan ra ameyî kiştene. Ma embazanê xo bi rêzdarî yad kenê. Ma do her hetî ra qesasê embazanê xo bigêrê. Ma do her firsend û hêle de seba ke qesasê embazanê xo bigêrê têkoşîn bikê."
