Merkezê Îrtîbatî û Çapemenîye yê HPGyî bi eşkerayîyêka nuştekîye derheqê çalakîyanê gerîlayan û hêrişê artêşa tirke de zanayîş da û nê pare kerdî:

Hemleya Şorişgêre ya Cengê Xebûrî

''3ê teşrîna verêne de silsileyê Girê Koordîne yê warê Pîrbila yê Heftanînî de îşxlakeranê ke xebata rayîrî rayraberdene hetê hêzanê ma yê YJA Starî ra ameyî hedefgirewtene û pê çekana giranan ameyî pirodayene. Na çalakîya serkewtîye de mewzîyêke ameye îmhakerdene û keçpeyêk ame derbkerdene. 4ê teşrîna verêne de Girê Azadî yê herêma Metîna de kamerayê ke erazî de hetê artêşa tirke ra ameybî cakerdene, hetê hêzanê ma ra ameyî destsernayene.

Hemleya Şorişgêre ya Bazanê Zagrosî

4ê teşrîna verêne de îşxlakerê ke dormeyê Warê Xoverdayîşî yê Werxelê yê herêma Avaşînî de bî hetê hêzanê ma yê YJA Starî ra ameyî pirodayene. Çalakîya ke hêzanê ma pê çekana giranan kerde de hedefekê ameyî bewlîkerdene biîsabet ameyî pirodayene. 5ê teşrîna verêne de warê Mervanosî de îşxalkerî hetê hêzanê ma ra pê çekanê giranan ameyî pirodayene la humara merde û birîndaran ê dişmenî safî nêbîye.

Warê Xoverdayîşî yê Werxelê

4ê teşrîna verêne de heta saetanê şewe artêşa tirke ya îşxalkere Warê Xoverdayîşî yê Werxelê pê çekanê giranan û helîkopteranê hêrişî da bombayan ver. 5ê teşrîna verêne de saetanê serê sibayî  de Warê Xoverdayîşî reyna raştê hêrişî ame.

Bombarduman

3ê teşrîna verêne de warê Koordîne yê herêma Metîna hetê qereqolanê sînorî ra pê obus û havanan dîya bombayan ver. Şewato ke netîceya hêrişî de vejîya dewam keno. 4ê teşrîna verêne de warê  Gelîyê Basya û Girê Kartalî yê Avaşînî, dewa Dêşîşê û warê Koordîne û Kela Qûmrîye yê Metîna, pê helîkopteranê hêrişî dîyayî bomayayn ver. Reyna warê Çîyayê Reşî yê herêma Zapî zî pê teyarayanê  şerî dîya bombayan ver.''