Gerîlayanê YJA-Starî yê ke çeperanê şerî yê Cengê Xabûrî de yê derheqê xoverdayîş û têkoşînî de ANFyî rê qisey kerd.

Fermandare Roza Sila vat: ''Cinîyî bi hawayêkê aktîfî tewrê Hemleyanê Cengê Xabûrî û Bazanê Zagrosan bîyî. Her embaza ma îradeyêko pîl aferna. Babeta taktîkanê dewrî de her embaze pê hêrsê qesasî şinê serê çeperanê dişmenî. Gerîlayê cinîyî tarzêkê zengînî vejenê werte. Cinîyî nê şerî de rayber ê. Çunke dişmen tewr zaf hêrişê cinîyan keno. Ma hol zanenê ke dişmen heman wextî de qels o. Ma do qetî qesasê embazanê xo erdî de meverdê. Ma pê ruhê xoverdayîşî benê pîl. Zerrîya ma nê cengî de hertim germ a.''

Gerîla Lîlave Jînda vat: ''Hemleyê qesasî heta nika asta berze de cewabê dişmenî danê. Hêz û îradeyê dişmenî çin o ke pê gerîlayan bieşkê. Dişmen çend hêrişê barbarî bikero zî ma soz dayo Rayber Apoyî û şarê xo ke meverdê dişmen erdê ma îşxal bikero. Rixmo ke Avaşîn, Zap û Metîna de çeka kîmyewîye vera gerîlayan şuxilîyena îrade û bawerîya gerîlayan qetî qels nêbenê.Gerîlayî bedenê xo sey mertalî gênê, verê çeka kîmyewîye de vindenê. Cigêrê kêna û lajanê Kurdîstanî ewro serê koyan de şer kenê. Ma nê cîgêrî temsîl kenê.''

Gerîla Zîlane Cûdî vat: ''Îşxalkerî hêrişanê topyekûnan kenê la ma çeperanê şerî de semedê azadîye şer kenê û xo ver danê. Pê taktîkanê gerîlayanê dewrî her roje vera dişmenî çalakîyan kenê. Embazê Zagrosî verê dişmenî de sey mertalî yê. Ma pê moralêkê pîlî şer kenê. Tîya de reng û têkoşînê embazan ê cinîyan ver de yo. Ma do pê ruhê Zendûra rayîr medê ke dişmen aver şoro. Binê her darêke de, her çeper de gerîlayê azadîye estê û xo ver danê.''