Gerîlayan Vîyane Soran serrgêra şehadetê aye de yad kerde û îfade kerd ke Vîyane Soran hem cuya xo de hem zî şehadetê xo de bîye raybera vurnayîşanê pîlan.

Vîyan Sorana ke şaristanê Sîlêmanî yê Başûrê Kurdîstanî ra ya tewrê PKKyî bîye, wextêkê kilmî de Komîteya Newera Awankerdişî ya PKKyî û Konseya Leşkerî de ca girewt. Vîyane vera komployê mîyanneteweyî û tasfîyekerdişî 2ê sibata 2006î de Herêmanê Pawitişî yê Medya de bedenê xo da adirî ver. Gerîlayanê HPGyî û YJA Starî serrgêra şehadetê aye de ANF reyde qisey kerd.

Zîlane Kurdistan: ''Vîyane vera komployê mîyanneteweyî bi vêşnayîşê bedenê xo mojna ke komplo ser nêkewt. Şexsê aye de perwerîya ma ya bi Rayberîye û embazîye xurtêr bîye. Embaze Vîyane seba ma pêroyînan bîye krîtera bingeyî ya şîara ''Bê serek Apo cuye nêbena.''

Mizgîne Ronahî: ''Çalakîya embaze Vîyane cewabê plananê gemarinan bîye. Aye nê armancê nêbaşî werte ra wedaritî û resa armancê xo. Ma sey embazanê ci do têkoşîn pîlêr bikerê û ser bikewê.No sozê ma yo. Ma do xeyalê ci bîyarê ca.''

Şîyar Zinar:''Embaze Vîyane vera komplogeran û tasfîyekeran bedenê xo da adirî ver. Bîye wayîra tewirêkê pîlî û xo resna rastîye. Bi çalakîya xo Têgêrayîş û Rayberîye pawit. Çalakîya embaze Vîyane seba ma tecrubeyêko pîl o. Ma sey embazanê ci do wayîrê nê tarîxî bivejîyê.''