Gerîlayanê Azadîye yê Kurdîstanî derheqê prosesê şerî yê nikayênî de ajansê ma rê qisey kerd.

Gerîlayê HPGyî Sîpan Rûkenî vat: ''Artêşa îşxalkere vera Başûrî hêrişanê xo rê dewam kena. Dişmen armanc keno ke Başûrî bi temamî îşxal bikero. La ganî dişmen bizano ke ma hêzê xo Rayber Apoyî ra gênê û bi nê hêzê xo derbanê giranan danê îşxalkeran ro. Tunelanê şerî de xoverdayîşêko bêhempa yeno kerdene. Artêşa îşxalkere derbanê giranan wena. Ma bi metodanê tîmanê pisporan têgêrenê. Dişmen seba ke bi ma nêeşkeno tedaya şarî keno, dewan veng keno. PDK zî hemkarîya dişmenî keno. Ganî şarê ma vera dişmen û PDKyî tewirê xo bimojno.''

Gerîla Ronî Dêrsimî vat: ''Gerîlayî vera hêrişan cewabanê xurtan danê, çalakîyanê bitesîran kenê. Leşkerê tirkî yê îşxalkerî hêz û xoverdayîşê ma ra tersenê. Her kes zaneno ke wayîrê nê koyan gerîla yê. Girê Bihar û Sergelê de artêşa tirke tersê gerîlayan ra xo kerdo binê erdî. Artêşa îşxalkere PDKyî ra paştî gêno. Vera hêrişanê îşxalî ganî ciwanî mesuldarî bigêrê û tewrê refanê gerîlayan bibê. Xoverdayîşî reyde ma do îşxalkeran bin bivisnê.''