Gerîlayê HPGyî Musa Yilmaz o ke 6ê gulane de Dêrsim de şehîd kewt cenazaya ci Dezgehê Tipê Edlî yê Meletî ra teslîmê keyeyê ci bîye. Seba ke dewkewtiş û vejîyayîşê bajaranê girdan qedexeyo keyeyê Yilmazî bado ke muracatê Qeymeqamîyê Farqînî kerd şi Meletî û canazaya xo girewt.

Cenazaya ke vizêr ameye girewtene saetanê şewe de goristanê taxa Feridunî ya qezaya Farqînî ya Amedî de ameye definkerdene. Polîsanê ke goristan girewt binê ablûqa destûr nêda ke cenaza camî de bêro şutene. Keyeyî canaza verê keyeyê merdimanê xo de şut û wecîbeyê ci yê dînî ardî ca. Rixmo ke polîsan tehdît kerd ke wa tewrbîyayîşo komkerde çînêbi zî  bi desan kesî tewrê merasîmî bîyî û şehîdê xo raşt kerd.