Gerîlayanê HPG û YJA-Starî serra 2019î de zî vera dewleta tire ya îşxalkere têkoşînêko pîl da û  nika zî no têkoşîn dewam keno. Gerîlayanê azadîye yê ke Cengê Heftanînî de ca girewt hêrişê vera herême û xoverdayîşê gerîlayan ercnayî.

Gerîlaya YJA-Starî Awaz Ronahî vat: "Beno ke dewleta tirke ya îşxalkere tay girê Heftanînî girewtî la xoverdayîşo pîl dewam keno. Nê şerî mîyan de embazê ma rolêkê pîlî kay kenê. Ma seba qesasê embazanê xo yê şehîdan şer kenê. No erd erdê ma yo, ma pêro şerwanê Rayber Apoyî yê. Dişmenî wazenê bi rayîrê şerê taybetî netîce bigêrê labelê ma bi têkoşînê xo nê şerî pûç kenê. Ma do nêverdê ke dişemnî rojêke zî bi kêfweşîye biciwîyê. Ma bi têkoşînê xo derbanê pîlan pirodê dişmenan. Gerîlayê azadîye seba çinkerdişê dişmenî sozê xo her tim newe kenê. Ma serra 2020î de do derbanê pîlan  bidê piro."

Gerîlaya HPGyî Ronî Arbabayî vat: "Dişmenan çi wext vera Heftanînî dest pê operasyonêk kerd ê rastê çalakîyan ameyî. Dewleta îşxalkere xîret kena ke Kurdîstan îşxal bika. Labelê ganî baş bizana ke heta ke gerîlayê Rayber Apoyî nê koyan ser o biciwîyê şerê azadîye zî do dewam biko. Nê şerê mergî û estbîyayîşî de ma do dişmenan çin bikê. Gerîlayê azadîye bi na îdîa tewrê Cengê Heftanînî benê. Dişmenî vanê gerîlayî çin bîyî. Eke wina yê çira her roje ma ser o teyarayê şerî bombardûmanan kenê? Şarê kurdî û gerîlayanê azadîye her wextî ra xurtêr ê û do xurt bibê."

Gerîlayê HPGyî Xebat Cûdîyî vat: "Ma sey gerîlayanê Cengê Heftanînî venga ciwananê Kurdîstanî danê ke verê xo bidê koyanê azadan û nê xoverdayîşê tarîxîyî de cabigêrê. Dişmenê îşxalkerî hêrişê Herêmanê Pawitişî yê Medya kenê. 23ê tebaxe de hêrişê Heftanînî kerd. Gerîlayanê YJA-Starî û HPGyî vera nê operasyonan cewabêko xurt da. Ganî pêro ciwanî û şarê azadîwaştoxî koyanê azadan de vera îşxalkerîye xo ver bidê. Ganî ciwanê kurdî tewrê gerîlayan bibê û seba cuyêka azade şer bikê. Ma do Heftanîn de dişmenan çin bikerê. Ma no soz da şarê xo."