Gerîlayê ke gazê kîmyewîyî ra xelisîyayî qala hêrişî kerde

Gerîlayê ke Girê Sor de hêrişê pê gazanê kîmyewîyan ê artêşa tirke ra xelisîyayî qala hêrişî kerde. Gerlîlayan vat: ''Heyetê mîyannetweyî eşkenê şirê tunelan de cigêraşîan bikerê. Rêçê kîmyewîyan hema estê.''

Artêş atirke seba ke vera xoverdayîşê gerîlayan ser nêkewena çekanê kîmyewîyan şuxulnena. Artêşa tirke warê Girê Sorî yê Avaşînî de 3ê êlul a 20921î pê bombaya xurte ya newîye ya çeka kîmyewîye hêriş kerd. Nê hêrişî de 6 gerîlayî şehîd bîyî. 3 gerîlayê ke sereyê prosesê xoverdayîşî ra tunelanê Girê Sorî de şer kenê û hêrişê kîmîyewîyî ra xelisîyayî derheqê sûcanê şerî yê dewleta tirke de qisey kerd. Gerîlayan Mizgîne, Armanc û Tekoşîne vat dewleta tirke pê çekanê kîmyewîyan ê qedexeyan 6 gerîlayî şehîd kerdî.

''Gerîlayê YJA Starî Mizgîne Dalaho ard ziwan ke dewleta tirke nê tunalenê şerî de hema guleyêk nêtaqnayo, heme şerî pê ganzanê kîmyewîyan û madayenê teqanayîşî rayra bena û nê vatî: ''Hêrişê îşxalî yê dewleta tirke 23ê nîsane de warê Mamreşoyî de dest pê kerd û dima ra waranê bînan ê Avaşînî de vila bi. Nînan ra yew zî Girê Sor o. Nê girî de xoverdayîş o pîl dîya. Mi bi xo nê xoverdayîş de ca girewt.  Artêşa de tirke pê metodanê bêehleqan hêriş kena. Heme çîyê ke qedexeyê vera ma şuxulnayî. Xeylêk embazê ma pê nê gazanê jehrinan şehîd bîyî. Heta nika heme yew embazê/a ma zî pê guleyî şehîd nêbîyo/a. Ez bi xo tunelê şerî de bîya. Dişmen qet tunelan nêkewt.''

Mîzgîne vat: ''Du û boya gazanêke şuxulnayî yewbînan ra cîya bî. Ge gazê îsotî şuxulnayêne ge-ge zî gazê kîmyewîyî yê cîyayî. Rengê nê gazan hewz bi. Tehmê ci sey şekerî bi û boya ci sey şekerê vêşnayî bî. Boya nê gazî zaf weşe bî. Gazê ke bî sebebê şehadetê Hemra Bazî ( Gerîlayê HPGyî Şehîd Baz Gever-Firat Şahîn) sey awa kincanî bî. Merdimî ser o wexto derg tesîr kerdêne. Coka embaz Baz a hele nê roja bîne tewrê kerwanê şehîdan bi. Yew roje fekê hemra Bazî ra sey koyê çeqerî awe ameyêne. Gazanê cîya cîyayan şuxulnenê. Rengê înan zafanê grî bi. Wextê teqayîşê peyênî de ma hîrê embazan nobete tepiştêne. Nişka teqayîş xurt bi la qet veng nêame. Sey erdlerzî bi. Di deqeyî nêvertî du kewt zere. Embazê Têkoşîne û Armancî ke waşt berî kontrol bikerî yew di gamî eştî xo ra şîyî. Dima ra ez şîya mi embazê bînî yê ke cor de bî mi ê kontrol kerdî 6 embazî şehîd bibî. Heme embazî bîyîbî mor. Eşkera bi ke pê gazan şehîd bîyîbî. Heme fatisyayîbî. Tîya çeka kîmyewîye yena şuxulneyene. Heyetê mîyanneteweyî eşkenê şirê tunelan de cigêrayîşan bikerê. Hema rêçê ci hema estê. Ganî şar vera nê hêrişan bêveng memano.''

Gerîlayê HPGyî Armanc Simkoyî zî nê vatî: ''Dişmen pê gazanê zehrinan û kîmyewîyan yeno ma ser. Gazê ke verî şuxulnayî  hem  mîyanê madayenê teqnayîşî de bibî hem zî wesayîtanê bînan şuxulnayêne. Tehm û boya nê gazan sey şekerî bî. Nê gazan sîstemê sînîrê embazan ser o tesîr kerdêne. Mi sekê no gaz ante ermeyê mi hengilsîyayî. Ez sey xoraşîyayî bîya. Gazo ke bi sebebê şehadetê hemra Bazî boya ci sey deterjanî bî. Na boye ra çew neêşekayêne nefes bîgiro. Nê gazî tesîrê xo cade nê dima ra ramojna. Ez bi xo pê nê gazî xora şîya çar saete xoraşîyaye menda û a hele nîna mi vîr. Ez vana no gaz sîstemê sînîrî rê tesîr keno û mezgî mirmeno. Coka vîraşîyayîş qewimîyeno. Di mengî ravêrtî hema mi ser o tesîr keno. Ez zaf çîyan xo vîra kena û refleksanê wucudê xo rê hekîm nîya. Ez veng da cigêrayoxanê mîyanneteweyî ke wa şirê tunelan de cigêrayîşan bikerê.  Dewleta tirke sûcê şerî, sûcê merdimîye kena. Ganî vera naye çew bêveng memano. Bitaybetî şarê ma û keyeyê şehîdan wa vera nê hêrişan vengê xo berz bikerê. Dewleta tirke xo cenazayan nêdana. Tersena ke cigêrayîşê cenazayan de sûcê înan vejîyê meydan. Ma do qesasê embazbê xo bigîrê û dewleta tirke ra hesab bipersê.''

Gerîlaya YJA Starî Têkoşîne Devrîm zî wina qisey kerd: ''Dişmenê ke 21ê hezîrane de hêrişê Girê Sorî kerd roja hîrênî de gazê kîmyewîyî şuxulnayî.  Şuxulnayîşê gazanê kîmyewîyan ra dima teqnayîş kerdêne ke wa pê basincê ci heme gaz bikewo zereyê tunelan. Ma nê şerî de dîyî ke leşkerê tirkan senî tersûnêk û bêehlaq  û bêwîjdan ê. Seba ke nêeşkayî xoverdayîşê gerîlayan bişiknê nê metodan şuxulnenê. Bitaybetî yew gazo ke grî yo zaf erzenê tunelan. Gazanê cîya cîyayan şuxulunenê. Hêrişê 3ê êlule de ma nobete tepiştêne. No gaz sey gazanê verênan nêbi. Erd lerza. Rixmo ke tunelê ma zaf dergo zaf gaz kewt zere. Boya nê gazî sey ê bînan weşe nêbî, boyêka berbate bî.Tay mend ez bifatisîye. Cenazayanê embazan ra bewlî bi ke gazêko newe şuxulnabi. Cenazayî bîyî bî sûr û mor. Lingê tay embazan bîbî peykî. Nê gazê neweyî ma ser o ceribnayî. Hemra Botan Ozgur fermandarê nê xoverdayîşî bi û tim vatêne 'şarê ma peyê ma de yo. Şar do miheqeq nê têkoşînî rê bibo cewab û wirzo payan ser.' Şarê ganî raştîyan bivîno vera nê hêrişan bivejîyo.''