Gerîlayê HPG û YJA Starî yê ke  xoverdayîşê tarîxî yê Xakurkê de ca gênê Hemleya 15 ‘ê Tebaxe  pîroz kerd û mesajê xoverdayîşî dayî.

Gerîlayanê YJA Starî ra Koçerîn Koçere hemleye Rayberê Şarê Kurdî Abdullah Ocalan, şehîdan û şarî rê pîroz kerd û va: ‘’Wa dişmen hol bizano ke şerê înan o leyşin do çi rey ser mekewo. Ma do heta çilka peyêne ya gonîya xo şer bikerê û ser bikewê. Ma sey wendakarê fermandaro efsanewî Egîtî do şopê ey de rayra şirê û bi ruhê Hemleya 15 ‘ê Tebaxe ser bikewê.

Gerîlayan ra Berxwedan Wanî ard ziwan ke Hemleya 15 ‘ê Tebaxe semedê Kurdan yena manaya newe ra afernayene û va: ‘’Bi guleyê verênî ruh dîya şarê Kurdî û Kurdî bi xoserîya xo ameyî têhet. Ewro rayberîya dewleta Tirkî de vera çar parçeyanê Kurdistanî  hêrişî yenê kerdene. Îqtîdaro faşîst ê AKP- MHP’yî wazeno ke qesasê 15’ê Tebaxe bigêro. La ê se kenê wa bikerê  ewro ra tepîya nêeşkenê vernîya  mucadeleyê ma bîgêrê. Ma do heta serkewtişî xoverdayîş rê dewam bikerê.’’

Gerîlayanê HPG’yî ra Dîyar Xeyrî Cûdîyî zî  Roşanê Ganîbîyayîşî pîroz kerd û nê vatî:’’Hemleya 15’ê Tebaxe hemleyêka qesasî ya. Hemverê hêrişê vera herra ma ya bimbareke serewedartişêk o. Bi guleyê verênî yo ke fermandaro efsanewî Egîtî eşt îşligê gêjî yo ke dîyabi Kurdan ra ame dirnayene û herra merdîye serê Kurdan ra ameye eştene. Ma zî sey wendakar û teqîpkarê Rayber Apo û fermandar Egîtî do nê mucadeleyê bimbarekî biresnê serfirazîye.’’

Gerîlaya YJA Starî Ciwana Destane ya ke xeylî wexto ke xoverdayîşê Xakurkê de ca gêna vat: ‘’ Ma Xakurkê, cayê xoverdayîşê tarîxî ra sozê serkewtişî danê şarê xo. Ganî serrgêra 15’ê Tebaxe dişmenî rê mezel bo. Wa heme cinîyê ciwanî verê xo bidê koyanê Kurdistanî û mîyanê nê şerê bianorî de cayê xo bîgêrê. Ma do destûr medê ke dişmen pay herra maya bimbark no  û herra ma leymin bikero. Berên ma pêro pîya Kurdistano azad înşa bikerê.’’