Gerîlayanê Yewînanê Rojhelatê Kurdîstanî (YRK) bi wesîleya 4ê Nîsane rojbîyayîşê Rayberê Şarê Kurdî û serrgêra ronayîşê PJAKî ANFyî rê qisey kerd. Gerîlayan fikr û hîsê xo wina ardî ziwan:

Sorxwîn Zagros: Ez rojbîyayîşê Rayber Apoyî zerrî ra fîraz kena. Êyê ke ma ardî nê rojan fikr û felsefeya Rayber Apoyî yê. Her çiqas Rayber Apo nika binê tecrîdêkê giranî de yo zî fikr û felsefeya ey têkoşînê ma de gandar ê. Ma sey milîtananê Rayber Apoyî soz danê ke ma do heta peyên seba azadîya ey têkoşîn bikerê, çi keweno milê ma bikerê.

Kurdistan Makû: Wexto ke rojbîyayîşê Rayber Apoyî yeno ez xo seke newe ra ameya dinya hîs kena. Tecrîdê vera Rayber Apoyî nêno qebulkerdene. Ma sey gerîlayanê cinîyan Rayber Apo pê têkoşînê xo azad bikerê. Wa her kes seba azadîya Rayberîye tewrê nê serewedaritişî bo.

Nûdeme Qamişlo: Sey gerîlayan ma hêz û bawerîya xo koyan ra gênê. Ma do pê nê hêz û bawerîye vera tecrîdkerdişê Rayber Apoyî têkoşîn bikerê. Wa ciwanî bêrê bibê gerîla. Ewro seba caardişê azadîya Rayber Apoyî gama tewr pîl beşdarîya gerîlayan a.

Serhed Hewramî: Ma 4ê Nîsane sey roja gandarbîyayîşî ercnenê. Ganî pêro cinî û camêrdê kurdî seba azadîya xo azadîy Rayber Apoyî bîyarê ca, seba azadîya ey têkoşîn bikerê. Seba ke ma Rayber Apo azad bikerê ganî ma wezîfeyanê xo pîya bîyarê ca.

Çîya Mihabad: Rojbîyayîşê Rayber Apoyî tarîx de rîpelêko newe akerd. Na roje Partîya Cuya Azade ya Kurdîstanî (PJAK) zî ronîyaye. Coka na roje ma rê zaf girîng a. Ez venga pêro ciwananê Rojhelatê Kurdîstanî dana ke wa bêrê mîyanê têkoşînî de ca bigêrê. Herinda ke bibê kole wa bêrê koyanê Kurdîstanî de têkoşîn bikerê.