Gerîlayanê HPG û YJA-Starî bi wesîleya serrgêra 44. ya ronîyayîşê PKKyî ya 27ê Teşrîna Peyêne ANFyî rê qisey kerd.

Gerîlaya YJA-Starî Arîne Demhat vat: ''Partîya ma PKK têna seba yew armancî nê vera pêro neheqîyan werişte we. PKK partîya pêro şaran a. PKK çarenûsê şarê kurdî û şarê erebî yo. Coka her netewe û şarî ra merdimî tewrê gerîlayan benê.''

Gerîlayê HPGyî Hawa Kurdistanî vat: ''Fikr û felsefeya Rayber Apoyî seba pêro şaran cuyêka alternatîfe pêşkêş kerda. Hînî fikr û felsefeya Rayber Apoyî pêro dinya rê vila bîyî. Coka yewîya şaran do azadîya Rayber Apoyî bîyara ca. Ma do ser bikewê.''

Gerîlaya YJA-Starî Sema Pîrdoxan vat: ''Hêz û bawerîya ma partîya ma ya. Têna dewleta tirke nê pêro hêzê hegemonîkî hêrişê PKKyî kenê. Îrade û bawerîya ma fikr û felsefeya Rayber Apoyî ya.  Ewro felsefeya 'jin, jiyan, azadî' ya Rayber Apoyî serkêşîya şorişê Rojhelatê Kurdîstanî û Îranî kena.''

Gerîla Rojhat Efînî vat: ''Bi ronîyayîşê partîya ma vurîyayîşê pîlî qewimîyayî. Partîya ma bi keda Rayber Apoyî û fedakarîya şehîdan resaye nê rojan. Wext wextê geşkerdişê têkoşînî û servistişê şerê azadîye yo. Ma soz danê ke têkoşînê azadîye geş bikerê û şerê azadîye ser bivisnê.''

Gerîlayê HPGyî Ciwan Minbicî vat: ''PKK partîya pêro şaran a. Ma zî sey neteweya ereban mîyanê têkoşînê PKKyî de cagênê. PKK bi keda şehîdan û têkoşînê Rayber Apoyî resa na aste. Ma do serra 45. ya partîya xo de ser bikewê.''