Gerîlayanê YJA-Starî Çavrê Guler û Nazlicane Rêdûr û gerîlayê HPGyî Baran Întîkamî derheqê serrgêra 7. ya Qirkerdişê Parisî de qisey kerd û îfade kerd ke bi nê qirkerdişî têkoşînê azadîye yê têgêrayîşê cinîyan ê kurdan ame hedefkerdene.
Gerîlayanê YJA-Starî û HPGyî ard ziwan ke ê do xeta ronayoxa PKKyî Sakîne Cansiz (Sara), temsîlkara KNKyî ya Parisî Fîdane Dogan (Rojbîn) û endama Têgêrayîşê Ciwanan Leyla Şeylemez (Ronahî) teqîb bikerê.
Gerîlaya YJA-Starî Çavrê Guler vat: " Embaze Sara kesayetêke bîye la bi têkoşînê xo bîye komelêk. Têkoşîn û xoverdayîşê aye têna mîyanê komelê kurdan de dinya de ameyî şinasnayene. Embaz Sara pêro cuya xo de bîye wayîrê têkoşînêkê pîlî. Vera hêzanê hegemonan û dişmenanê şorişî şer kerd. Ewro şarê kurdî perwerê nê têkoşîn û tewirê embaze Sara yo.‘‘
Gerîlaya YJA-Starî Nazlicane Rêdûr: "Embaze Sara mîsala tewr pîle ya cinîya azade bîye. Dişmenan waşt ke Dêrsim binî ra çin bikero la embaze Sara bi têkoşînê xo nê hewesê dişmenan çin kerd. Dewleta tirke zîndananê Amedî de seba ke xoverdayîşê Sara bikişa her çi kerd la embaze Sara reyna zî tewirê xo ra fek vera nêda. Ewro Cizîrî ra heta Rojawanî û heta Rojhelatê Mîyanênî bi des hezaran cinîyî bîyî teeqîbkerdoxê embaze Sara. Embaze Ronahî û Embaze Rojbîne zî bi nê hawayî kedêka pîle daye têkoşîn û xoverdayîşê azadîye.
Gerîlayê HPGyî Baran Întîkam: ''Dewleta tirke bi nê qirkerdişî rayberê têgêrayîşê ma hedef kerdbi. Bi nê hawayî waşt ke komployo mîyanneteweyî zî dewam biko. Waşt ke hem destê Rayberîye bêhêz bibê û hem zî rayberanê verênan ê têgêrayîşê azadîye yê Kurdîstanî çin bikê. Ewro zaf cinîyî bi nameyanê Sara, Ronahî û Rojbîne estê. Ma sey gerîlayanê YJA-Starî û HPGyî seba ke wayîrê mîrasê nê hîrê cinîyan ê xoverdayoxan bivejîyê bi felsefeya Rayber Apoyî do hîna xo ver bidê.
