Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye.

Eşkerayîye wina ya:

''Gerîlayê Azadîye yê Kurdîstanî taktîkanê dewrê neweyî vera îşxalkeran bi westatî şuxilnenê û pêser derbanê giranan danê artêşa tirke ya îşxalkere ro. Çalakîyanê gerîlayan bi taktîkanê sabotaj, suîkast, derbkerdiş û mîyandekewtişî de 25 leşkerê tirkî yê îşxalkerî ameyî cezakerdene, 5 îşxalkerî birîndar bîyî û 1 kepçe ame derbkerdene. Artêşa îşxalkera ke sûcdara şerî ya, Warê Xoverdayîşî 13 reyî pê çeka kîmyewî û teqaberan, 8 reyî pê teyarayanê şerî û 19 reyî zî pê helîkopteran dayî bombayan ver.

Detayê çalakîyanê gerîlayan û hêrişanê îşxalkeran wina yê:

Çarçewa Hemleya Şorişgêre ya Bazanê Zagrosî de, herêma Zapî de;

16ê temmuze de îşxalkeran waşt ke pê tank, kepçe û wesayîtanê zirxînan ver bi Warê mewzîyanê Xoverdayîşî yê Şikefta Birîndaran şorê la îşxalkerî hetê hêzanê ma ra pê çekanê ferdîyan ameyî hedefkerdene û tîya de 2 îşxalkerî ameyî cezakerdene.

17ê temmuze de îşxalkerê ke waştêne ver bi mewzîyanê şerî yê Şehîd Umîtî şorê pê taktîkê sabotajî ameyî derbkerdene.

Çarçewa Hemleya Şorişgêre ya Bazanê Zagrosî de herêma Xakurkê de;

14ê temmuze de warê Şekîfî de Girê Şehîd Kamûranî de îşxalkerî pê taktîkê sabotajî ameyî pirodayene. Tîya de 1 îşxalker ame cezakerdene û 3 îşxalkerî birîndar bîyî.

Çarçewa Hemleya Şorişgêre ya Bazanê Zagrosî de herêma Avaşînî de;

16ê temmuze de Warê Xoverdayîşî yê Werxelê de kepçeyêkê îşxalkeran pê taktîkê sabotajî ame derbkerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

15-16ê temmuze de Warê Xoverdayîşî yê Girê Amedîyê de îşxalkerê ke waştêne ver bi mewzîyanê şerî şorê 5 reyî pê taktîkê sabotajî ameyî pirodayene. Netîceya nê çalakîyan de 7 îşxalkerî ameyî cezakerdene û 2 îşxalkerî zî birîndar bîyî.

15ê temmuze de Warê Xoverdayîşî yê Girê Amedîyê de îşxalkerî hetê tîmanê hereketînan ê YJA-Starî ra ameyî pirodayene û 6 îşxalkerî ameyî cezakerdene.

16ê temmuze de Warê Xoverdayîşî yê Girê Amedîyê de îşxalkerê ke waştêne mewzîyanê şerî pê teqaberan bidê bombayan ver ameyî pirodayene. Netîceya na çalakîye de teqaberê îşxalkeran înfîlak bîyî û 3 îşxalkerî ameyî cezakerdene.

17ê temmuze de Warê Xoverdayîşî yê Girê Amedîyê de îşxalkerî di baskan ra pê taktîkê mîyandekewtişî ameyî pirodayene. 6 îşxalkerî pê çekanê ferdîyan û bombayanê destî ameyî cezakerdene. Çalakîye ra dima îşxalkerî pê helîkopteran warî ra remayî.

Hêrişê ke artêşa îşxalkere pê çeka kîmyewîye û teqaberan kerdê;

16ê temmuze de Warê Xoverdayîşî de Şikefta Birîndaran, Werxelê, Şehîd Umît, Girê Amedîyê 13 reyî dîyayî bombayan ver û ame tesbîtkerdene ke nê çekê kîmyewîyî dûyê sîya û qeweyî dayêne.

Hêrişê ke artêşa îşxalkere pê helîkopter û teyarayan kerdê;

16ê temmuze de Warê Xoverdayîşî yê Girê Hekarî de têgêrayîşê dronan qewimîya. 16ê temmuze de erazîyê dewa Şeladizê û Girê Çarçêlî yê herêma Metîna, warê Saca, Çemço û Warê Xoverdayîşî yê Girê Amedîyê, Werxelê, Girê Cûdî, Girê FMyî dîyayî bombayan ver.''