Hê şinê. Seke cuyêka azade ya neslêkê neweyî û tarîxê xelisnayîşî binusê şinê. Serê milê înan de sondê xelisnayîşî, şinê cephe.

Eke şima bivînê ke gerîlayî cayê xo de nêvindenê, ewnîyenê dûran ra û huyenê bizanê ke ê do çalakîyan bikerê. Na koma gerîlayan şina çalakîye yan zî warê şerî. Warê çalakîye beno warê zerrîyan.

Gerîlaya bi nameyê Newale wexto ke çalakîye rê amade kena ver bi Warê Xoverdayîşî ya Kurojahroyî şina, çîyo ke zerrîya ci ra derbaz bena kamerayan rê vana. Ewnîyena kamera ra û venga şar û embazanê xo kena. Ziwanê gerîlayan tim sade û zelal o. Tim hayîya înan pê wezîfeyan est a.

Newale vana: ''Xeylêk cayan de operasyonan dest pêkerd. Her kes zaneno ke ma heta peynî pabesteyê gerîlayan û Rayberîya xo yê. Coş û moralê embazanê ma ca de yo. Nêbeno ke ma qirkerdişê kurdan rê bêveng bimanê. Artêşa tirke ya îşxalkere se bikera zî do ser nêkewa. Seba ke zanenê do ser nêkewê çeka kîmyewîye şuxilnenê. Gerîlayî nêqedîyenê, do tim est bê û do ser bikewê.''

Gerîlayan de defterêk est o, zerrîya ke wayîra kendalî ya est a, seba awankerdişê ameyoxî destê înan serê tetîkî de yo. Gerîlayî vera hişmendîya dewlete şer kenê. Na dewlete xo rê nêvînena ke cenazaya leşkeranê xo berz bikera coka kendalan ra mîyanê poşetan de erzena war.

Çekuyî yenê têkişt, her yewe do çêranê xo biweçîna. Zap zî çêranê xo weçîneno û înan keno verarê xo.