Merkezê Îrtîbatî û Çapemenîye yê HPGyî derheqê çalakîyanê gerîlayan  û hêrişê artêşa tirke de eşkerayîye daye. HPGyî vat têkoşonê hêzanê înan bêmabên bi hewayêkê qerardarî dewam keno û detayê çalakîyan pare kerdî:

Botan

''27ê hezîrane de îşxalkeranê ke waşt bi wesayîtê tîpê transîtî bikewê Girê Tenûrê ya herêma Besta ya Botanî hetê tîmanê ma yê YJA Starî ra ameyî pirodayene. Çalakîye de wesayît bi temamî ame îmhakerdene û 6 îşxalkerî ameyî cezakerdene.

Avaşîn

4ê temmuze de Warê Xoverdayîşî yê Werxelê de îşxalkerî bi taktîkê sabobatajî xeylêk rey têdîma ameyî pirodayene. Hêzê ma bi bombayanê destan û çekanê ferdîyan şîyî dişmenî ser.  Pêro pîya 7 îşxalkerî ameyî cezakerdene û îşxalkerêk birîndar bi. Şewa 4ê temmuze ra heta saetanê serê sibayî dormeyê mewzîyanê şerî yê warê Şehîd Têkoşerî de pêkewtişê giranî qewimîyayî.

Zap

4ê temmuze de îşxalkerê ke ver bi mewzîyanê şerî yê Şehîd Umîdî şîyînî hetê hêzanê ma yê YJA Starî ra di rey pê taktîkê sabotajî ameyî pirodayene, 2 îşxalkerî birîndar bîyî. Eynî roje Warê Xoverdayîşî yê Çemçoyî de yew dron ame wardayene û yew dron û yew wesayîto zirxin ameyî derbkerdene. Warê Kokerê de zî îşxalkerî ameyî pirodayene.

Metîna

4ê temmuze de Warê Xoverdayîşî yê Girê Cûdîyî de îşxalkerî  çend rey bi taktîkê sûîkastî ameyî pirodayene, 3 îşxalkerî ameyî cezakerdene. Warê Xoverdayîşî yê Girê FMyî de zî îşxalkeranê ke waştêne daran bibirnê ameyî pirodayene, îşxalkerêk ame cezakerdene. Eynî roje Warê Xoverdayîşî yê Girê Amedîye bi desan rey dîya bombayan ver û 31 rey helîkopteran tîya leşkerî nayî ro. Wextê ronayîşî de  hêzanê ma da piro, 2 skorskyî ameyî derbkerdene. Leşkerê ke herême de ameyî cakerdene hetê hêzanê ma ra di hetan ra ameyî pirodayene. Netîceya pirodayîşanê ke mesafeyê nêzdî ra ameyî ameyî kerdene de 10 îşxlakerî ameyî cezakerdene. Gama ke îşxalkeran meyîtê xo kiriştêne reyna ameyî pirodayene, 5 îşxalkerî ameyî cezakerdene. Roja bîne zî eynî war de zî îşxalkerêk ame cezakerdene.

Bombarduman 

Artêşa tirke ya îşxalkere 4ê temuze de mewzîyê şerî yê Warê Xoverdayîşî yê Girê Hakkarî, Girê Cûdî, Şikefta Birîndara, Şehîd Umîd û Kokerê  pê çekanê kîmyewîyan û teqberan bi desan rey dayî bombayan ver. Ame tesbîtkerdene 6 tewirê  cîya cîyayî yê çeka kîmyewîye ameyî şuxulnayene. Eynî roje warê Girê Hakarî, Girê Cûdî, Girê FM, Dola Şehîd Tekoşer, Şikefta Birîndara, Kurojahro, Kokerê, Çemço û Werxelê  û 3ê temmuze de  warê Girê Hakarî, Girê Amediyê, Werxelê, Şikefta Birîndara û Kurojahroyî bi desan rey pê teyara, helîkopter û obusan dîyayî bombayan ver.''