Gerîlayan warê Zagrosî de bi merasîmêkê pîlî Newroze fîraz kerde. Merasîmî ra dima Endamê Fermandarîya Merkezî ya Hêzanê Pawitişê Şarî Amed Malazgîrtî hêzanê HPG û YJA-Starî reyde kombîyayîşêk kerd.

Malazgîrtî wina vat: ''Ma hê Newroze fîraz kenê. Seba kurdan Newroze roja wedaritişê koletîye û serfîrazî ya. Têgêrayîşê ma bi ruhê Kawayê Modernî Mazlûm Doganî 40 serrî yo şer keno. Menga adare de hem  Newroze hem zî Hefteyê Qehremanîye est ê. Fermandar Egîdo ke sembolê Hewteyê Qehremanîye yo, rayberîya gerîlayan kerd û adare de şehîd bîye.

Dewleta tirke 10-14ê sibate de hêrişê Garê kerd û armanc kerd ke gerîlayan bin bikera. Garê ma rê warêko stratejîk û merkezî yo, tede esîrê ma est bîyî. La dewleta tirke Garê de ser nêkewte û naye ser o 23-24ê nîsane de Zap, Metîna û Avaşîn kerdî hedef. Par nê herêman de pêkewtişê şîdetînî qewimîyayî. 

Mamreşo de xoverdayîşêko pîl qewimîyan. Embazanê ma bi îradeyê pîlî şer kerd û vera teknîk-çekanê kîmyewîyan xo ver da. Hewteyê verênî de Mamreşo de embazanê ma ma rê mujdeyê serkewtişî da. Girê Sorî de zî koma bi 9 embazan 2 mengan xoverdayîşêko pîl kerd. Taburê Ereban û Werxelê de embazan mewzîyê xo pawitî, waranê Ciloyê Biçûkî û Qela Bedewê yê Zapî de embazan 45 rojan nêverda dişmen xo nêzdîyê tunelanê şerî bikero. Embazan sey komanê qijan vra dewleta tirke operasyonê rojaneyî kerdî. Dişmen pê nînan şaş bi.

Goreyê zanayîşanê ke kewtê ma destî dişmen newe ra amadekarîye keno. Ganî ma hînî xo hol amade bikerê. Beno ke ma parî ra hîna zaf rewşêka zehmetîne de têrî bimana. Ganî pêro embazî ney ser o vinderê, vera îşxalê tirkan şer bikerê. Eke embazî vanê ma embazanê şehîdanê qehremanan ê, wa vajê ke 'ma do qesasê embazan bigêrê.' Ez pê bawer a ke embazê ma amade yê ke qesasê nê embazanê şehîdan bigêrê.''