Gerîlayo ereb Çîyager: Ocalan rayberê şaran ê bindestan o

Gerîlayo ereb Çîyager: Rayberîye têna rayberê kurdan nê, ê şaran ê bindestan o. Xora tarîx de zaf çêrî vejîyayî la reya verêne hende çêrî versîyê dewayêke de yenê têhet.

Her komel wayîrê rayber û çêran o. Mîyanê têgêrayîşê PKKyî de zî seba ke zaf neteweyan ra tewrbîyayîş esto, çêrê PKKyî yê neteweyanê cîyayan ra zî estê. Tarîxê awanbîyayîşê PKKyî ra heta nika zaf şorişgêrê enternasyonalî seba azadîya şaran şehîd bîyî.

Gerîla Çîyager Agir şarsitanê Dêrazorê ra yo. Eslê xo de ereb o. Dima ke dewaya Rayberê Şarê Kurdî Abdullah Ocalanî nas keno tewrê PKKyî beno. Gerîla Çîyager wina qisey keno:

''Hêverî embazîya PKKyî, perwerîya embazan a seba Rayberîye bala mi antî. Wexto ke mi bala xo daye dewaya Serekatîye mi perwerîya embazan fam kerde. Raybertî têna rayberê kurdan nîyo, rayberê pêro şaran ê bindestan o. Xora tarîx de zaf çêrî vejîyayî la reya verêne hende çêrî versîyê dewayêke de yenê têhet. Çunke çêra tewr pîlêre Rayberî ya, Rayberîye temsîlîya pêro çêranê şerkeran ê tarîxî kena.

Heqê her komelî esto ke pê nasname, bawerî, ziwan û kulturê xo biciwîyo. Pê înkar û qirkerdiş çew nêeşkeno şarêk çin bikero. Nîşaneya naye ya pîle 15 tebaxe ya. Sîstemo kapîtalîst wazeno şaran bindest bikero. Pê hîşyarîya şarê kurdî ma sey neteweyanê bînan zî pê hesîyayî ke têna şarê kurdî ney pêro şarê Rojhelatê Mîyanênî bindest ê.  Zaf embazê ma yê enternasyonalî şehîd bîyî. Ma do ser bikewê û alaya azadîye berz bikerê.''