Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan û hêrişê artêşa Tirkî de zanayîş da.

Eşkerayîye de nê ameyî parekerdene: ‘’Çarçeweya Hemleya Şorişgêre ya Şehîd Bager û Şehîde Ronya de hêzanê ma 16’ê Tebaxe de qezaya Geverî ya Colemêrgî de çalakîya sabotajî viraşte. Çalakîya ke mabênê dewanê Yekmalê û Melkava de vera konvoyê artêşa Tirkî ya ke ver bi Qereqolê Wargenîma şîyêne ameye viraştene de tirêk pîya bi melzemeyo ke barkerde bi ame îmhakerdene la hûmara merde û birîndaran nêameye tesbîtkerdene.Dimayê çalakîye artêşa Tirkî dormeyê dewanê Yekmalê, Melkava û Qaportê de operasyon da destpêkerdene.

Gare, Zap û Qendîl de Hêrişê Hewayî

15’ê Tebaxe de teyareyanê şerî yê Tirkî Gare de dormeyê dewa Gisê, Qendîl de Qilê Savaş û dewa Bêpalan û Zap de dormeyê dewa Rençber Agayî bomardûman kerdî. Hêrişan de vînîbîyayeyê ma çîn ê.  Bombardûmano ke dormeyê cayê roniştişî de ame kerdene ra dima erazî de şewat vejîya.

Nasnameyê 2 Gerîlayan Ameyî Eşkerakerdene

Ma eşkerayîya xo yê 4’ê Tebaxe de dabi zanayene ke 18’ê Temmuze de bombardûmanê artêşa Tirkî yê vera wareyê Şakakî yê Dêrsimî de 2 embazê ma şehîd bîyî. Embazê ma yê ke şehîd bîyî Avareş û Dijwar ê. Ma sere de keyeyanê embazanê ma yê ke Dêrsim de şehîd bîyî heme şarê ma yê welatperwerî rê serweşîyê wazenê û ma soz danê heta ma waştişanê şehîdanê xo bica bîyarê ma do mucadeleyê xo bidomnê.”

Nasnameyê gerîlayanê ke şehîd bîyî wina yê: