Grevê Hewlêrî roja 184‘ine de, Silêmanî roja 161‘ine de, Kelarî roja 89‘ine de, Mexmûr de zî rojeyê mergî yê Merwan Menduh Ozdemîre zî roja 10’ine de bi qerardarîye dewam kenê.

Hewlêr

Çalakîya grevê vêşanîye yê bêdem û biagêraşî ya ke Temsîlkarîya HDP’yî ya Hewlêrî ya Başûrê Kurdistanî de 13’ Temmuze de 2018 de amebî destpêkerdene bi qerardarîye hetê gruba 92’ine  dewam kena.

Çalakîya grevê vêşanîye yê bêdem û bêagêrayîşî ya endamê Meclîsê HDP'yî yê Hewlêrî Nasir Yagizî zî roja 184’ine de bi qerardarîye dewam kena. Problemê weşîye yê Yagizî yê sey seredej, viritiş, dîyayîş bihewnîye, bêtaqetîye û tansîyon her geme her ke şono zêdetir benê.

Yagiz, 26'ê Sibate roja 98’ine de, 1’ê Çele roja 73’ine de û tewr peynîye de zî 3’yê Gulane de amebi berdene bi nêweşxane, labelê her dolime Yagizî qetî tedawî red kerd û bi qerardarîyêka xurte çalakîya xo banê HDP’yî de dewam kerde.

Silêmanî

Grevê vêşanîye yo ke Komela Karkeran a Mezopotamya ya Silêmanî de seba wedaritişê tecrîdkerdişê Rayberê Şarê Kurdî Abdullah Ocalanî amebi destpêkerdene, di rojan de reyî yeno dewrgirewtene roja 161'ine de bi gruba 81’ine dewam keno.

Rojeyê Mergî

14’ê Gulane de zî ciwanê Vakurê Kurdistanî Merwan Memduh Ozdemîrî bajarê Silêmanî yê Başûrê Kurdistanî dest bi rojeyê mergî kerd. Xoverdayîşê Ozdemîrî roja 10’ine de dewam keno.

Kelar

Çalakîya Muhendîs Herêm Mehmûdî ya ke qezaya Kelarî ya Germîyanî de zî roja 89’ine de bi qerardarîye dewam kena.

Mexmûr

Çalakîya grevê vêşanîye ya bêdem û bêagêrayîşî ya Kampa Multecîyan a Şehîd Rûstem Cûdî ya Mexmûrî ya seba wedaritişê tecrîdê girankerdeyî yê serê Rayberê Şarê Kurdî Abdullah Ocalanî zî roja 154’ine de dewam kena.

Hetê bînî ra grevê vêşanîye yê bêdem û bêagêrayîşî yê endama Koordînasyonê Meclîsê Îştarî Fedîle Toke zî roja 124’ine de dewam keno.