Grevê vêşanîye yê bêdem û biagêrayîşî yê vera tecrîdkerdişê Rayberê Şarê Kurdî Abdullah Ocalanî yê Temsîlkarîya HDP’yî yê Başûrê Kurdistanî roja 186’ine de dewam keno. Ewro gruba 93’ine çalakîye dewr girewte.

Hetê bînî ra grevê vêşanîye yê bêdem û bêagêrayîşî yê Nasir Yagîz zî roja 186’ine de dewam keno.

Ganî tecrîd bêro wedaritene

Bi nameyê gruba newîye Hemserekê Temsîlkarîya HDP’yî yê Hewlêrî Abîd Îkeyî qisey kerd û wina vat, “Çalakîya ma ya vera tecrîdî 6 mengî yê dewam kena. Dimayo ke grevê vêşanîye dest pêkerdo ra nata Rayber Apoyî reyde tayê pêvînayîşî ameyî kerdene. Labelê tecrîdê serê Rayber Apoyî hîna nêameyo wedaritene. No xoverdayîşo ke heme dinya de veng veto, zulm û zordarîya dewleta Tirkî ya serê şarê Kurdî, Rayber Apo, tepişteyanê sîyasî û dayîkanê aşitîye fîşta verê çiman. Bi serkêşîya dayîkan ê Kurdî vera zulmê dewleta Tirkî xoverdayîşêko gird yeno viraştene. Pêvînayîşê ke Rayber Apoyî reyde ameyê kerdene coş û moralêko gird da çalakgeran. Ganî bi temamî tecrîdê serê Rayber Apoyî bêro wedaritene.”