Gerîlayanê YJA-Starî bi wesîleya serrgêra 44. ya ronîyayîşê PKKyî ya 27ê Teşrîna Peyêne ANFyî rê qisey kerd.

Gerîlayan ra Berfîne Amara 27ê Teşrîna Peyêne sey 'roja gandarbîyayîşî' pênase kerd û vat: ''Rayberîya ma gêrena çareserîya meseleyan û krîzan. Coka 27ê Teşrîna Peyêne têna seba şarê kurdî nê seba pêro şaran hêvîyêka pîl a. Bi taybetî seba cinîyan roja gandarbîyayîşî ya. Têkoşîno ke 1978 de dest pêkerd, mîrasêko pîl verdayo. Mîsalê ney ma bi taybetî raştîya Şehîde Sara dî dî.''

Gerîla Vîyane Rengîn vat: ''Azadîya kurdan û Kurdîstanî serê bingeyê paradîgmaya demokratîke û ekolojîke de bi azadîya cinîyan girêdaye yo. 27ê Teşrîna Peyêne de ma newe ra cuye şinasnaye. Wexto ke ma ewnîyenê ewroyî ra, ma vînenê ke pêro cinîyî dormeyê na felsefe de kom bîyê. Eke ewro ma qala şorişê Rojhelatê Kurdîstanî û Îranî kenê ganî ma qala serkêşîya cinîyan zî bikerê. Ronayoxê felsefe û şorişê cinîyan Rayber Apo yo. Fikranê Rayber Apoyî tesîrê pêro dinya kerdo.''