Masîro Amed (Berat Îpek) Amed de dadîya xo ra beno û keyeyê welatperwerî de beno pîl. O cigêrayîşanê xo ra dima verî tewrê xebatanê ciwanan beno la çalakîyêke de hêrişê polîsan de birîndar beno. O pê birîna xo verê xo dano koyan û 2015 de Eyaletê Amedî de warê Şehîd Kendalî de ronişeno sifreya Çîyageran. Dima Masîro Amed derbazê Rojawanî beno û 6 serran bêmabên tîya de têkoşîn keno.

Masîro Amed Rojawanî ra agêreno koyanê Zagrosan. O derheqê PKKyî de wina vano: ''Mîyanê PKKyî de cagirewtiş, PKKyî rê şorişgêr bîyayîş bi sereyê xo çîyêko ercîyaye yo.'' O paradîgmaya partîye ser o cigêrayîşan keno, xo perwerde keno û beno perwerê embazanê xo.

Masîro Amed patîkayanê Zagrosan de tewr vernî de şîyêne. Wexto ke dewleta tirke ya îşxalkere hêrişê Zapî kerd ey mîyanê Hemleya Şorişgêre ya Bazanê Zagrosî de cagirewt û herêma Ertûşî de xeylêk çalakîyî kerdî.

Nîsana 2022yî de ey Ertûş de hêrişî pêşwazî kerdî, tunelanê şerî yê Şehîd Berxwedanî de şer kerd. 22ê nîsane de wexto ke dişmenî xo nêzdîyê tunelan kerdêne o nobete de bibi û cade pê dişmenî hesîya. Ey cade dest eşt çeka xo û da piro. Heta ke guleyê ci qedîyayî ey şer kerd û bi giranî birîndar bi. Rixmo ke sere, pîze û baska xo ra birîndar bibi ey kerd ke xebere bido embazanê xo. Coka heta nefesê xo yê peyênî yew-di metre şi. Ey bi nefesê xo yê peyênî û vengê xo yê peyênî venga embazanê xo da.

Gerîla Masîro Amed 22ê nîsane de şehîd bi.