Hemsereka Kongreya Komelê Demokratîkî (KCD) Leyla Guven derheqê amborgoyê serê Kampa Mexmûrî yo ke nizdî serreke yo dewam keno de mesajêk weşana.

Guvena ke venga hukmatê Başûrê Kurdîstanî de nê vatî:  ''Vîrusê Korona heme dinya ra vila bîyo her kes tedbîranê xo gêno. Ma zî çar leteyanê Kurdîstanî de goreyê îmkananê xo tedbîran genê û amadekarîye kenê. Şarê ma yo ke mecbûr mend û Vakurî ra bar kerd şi Başûr Kampa Mexûrî de xo ca kerd û cuya xo binê şertena  zehmatan rayra beno. Xeylêk wexto ke îdareyê Başûrî de serê Kampa Mexmûrî de ambargo ano caardene. Ma sey sîyasetmedaranê vakurî tîya a veng danê. Şarê Mexmûrî binê şertenê zehmetan û tehlukeyê Korona de yo. Xeyrê xo nê ambargoyî wedarê. Ma kurdî ça beno wa bibi ma yewbînan ra berpirsîyar ê. Ez sey cinîye û sîyasetmedara kurde hukmarê Başûrê Kurdîstanî ra rîca dexalet kena ke wa ambargoyê serê Kampa Mexmûrî wedaro. Vîrusê Korona tehlukeyêko gird o, wa şarê ma rîyê nê janî ra memiro.''