Wekîla HDPyî ya Amedî Semra Guzel tecrîdkerdişê Rayberê Şarê Kurdî Abdullah Ocalanî ercna û ard ziwan ke şexsê Ocalanî de komel, cinîye û kultur yenê tecrîdkerdene. Guzele vat tecrîdê Ocalanî vera huqûqê neteweyî û mîyanneteweyî yo.

Guzele da zanayene ke tecrîd metodêkê îşkenceyî yo û vat: "Serra 2011î ra heta serra 2019î bi bahaneyanê cîyayan destûr nêame dayene ke Birêz Ocalanî reyde pêvbînayîşî bêrê kerdene. Pêro rayîrê hûqûqîyî ameyî girewtene û vera merdimîye suc ame kerdene. Sayê grevê vêşanîye yê bi rayberîya Leyla Guven pêvînayîşî newe ra ameyî kerdene tecrîd ame şiknayene. Ocalanî bi mektubê xo hêvîya çareserîye û aştîye newe ra ard ziwan. La hukmatî bi polîtîkaya şerî cewab da Ocalanî. Tecrîd hema zî dewam keno. Seke yeno zanayene tecrîd metodê îşkenceyêkî û îzolasyon o. Bêhqûqî yo.

Bi tecrîd fikrê komelêkê azadî yenê tecrîdkerdene. Şexsê Ocalanî de komel, cinîye û kultur yenê tecrîdkerdene. Wexto ke Ocalan qisey keno rayîrê çareserîye û aştîye yeno akerdene. Êyê ke Ocalan tecrîd kenê wayîrê hîşmendîya faşîzane yê. Tecrîdê Ocalanî vera huqûqê neteweyî û mîyanneteweyî yo. Ganî no tecrîd cade bêro wedaritene. Bi tecrîdî no welat bin keweno.

Wexto ke Ocalanî vat o eşkeno hewteyêk de haştîye û aramîye bîyaro hukmatî tecrîd de israr kerd. Wexto ke tecrîdê vera Ocalanî reya diyîne ame xorinkerdene dewlete hêrişê Rojawanî kerd. La ser nêkewte. Bi tecrîd û îşxalê Rojawanî yeno waştene ke krîzê Tirkîya bêro nimnayene.

Bi hêrişanê vera Rojawanî yeno waştene ke derbêke bêra dayene îradeyê şarî ro. Armanco verên ê Birêz Ocalanî Rojawan de zîl dayo. Modelê Birêz Ocalanî do Rojhelatê Mîyanênî de pêro krîzan çin biko. Naye ra tecrîd têna hetê Tirkîya ra ney hetê hêzanê mîyanneteweyan ra yeno kerdene.

Nêzdîbîyayîşê CPTyî bi Îmrali bîyê parçeyê polîtîkayanê Tirkîya. Ganî CPT bêvengîya xo bipawa. CPT wezîfeyê xo nêano ca. Êyê ke Ocalan tecrîd kenê wayîrê hîşmendîya faşîzane yê. Bi nê tecrîdî pêro heqê merdiman yenê binpaykerdene. Ganî CPT wezîfeyê xo bîyaro ca."