Vîyane (Gulîstane Uca) Şirnex de mîyanê keyeyêkê welatperwerî de dadîya xo ra bena. Cografyaya aye bi hezaran serran bi hezaran dejî dîbî. Vîyane botanije a. Aye koyanê Botanî de dest pê gerîlatîye kerd. Gerîlatîye xeyalê ci yê domanîye bîye. 

Vîyane yena Besta û pê rindîya Besta heyran manena. Xozaya Besta zî Vîyane kena verarê xo. Vîyane hema ciwan bîye la hem embazê ci hem zî Beta tira hes kenê. Vîyane bê zor û zehmetî bena kênaya koyan. Mîyanê gerîlatîye de wextê musayîşî est o. La no wext seba Vîyane kilm bi. Vîyane her çî bi lezî musena û aver şina. Fermandarê gerîlayanê ciwanan Mihralî wina behsê aye keno: ''Vîyane tîme de aya tewr ciwane bîye. Verî ma bi pawitişî nêzdîyê ci bîye, ma qerqilîyêne. Şerê Botanî şerêko giran bi. Ma waşt ke aye bişawê şerê hîna şenikî. La Vîyane no qebul nêkerd.''

Şerwanîya cinîyanê Botanî bi têkoşînê PKKyî reyna resaye kokê xo. Vîyane nê kokî bi şerê xo eşkera kena. A Besta de bena şerwanêka zaf hole û embazê ci zî benê heyranê aye. Hînî a bena namzetêka fermandarêka serkêşe. A vera persan pers kena, musena û xo aver bena. Vîyane vateyê 'cinîyê ke mi ra hes kenê wa verê xo bidê Botanî' yê Rayberîye xo rê kena şîarî. Rixmê hende waştişê embazanê xo zî a qetî waranê şerî ra xo apey nêgêna. Vîyane bi pratîk, şerwanîya xo embazanê xo îqna kena.

Vîyane rind a, rindîya kede ya. A ça de erkêko zehmet est bi gêna xo ser, têkoşîn de tewr verî de cagêna û bi nê hawayî vera bena rindêr.

Botanî ra dima Vîyane verê xo dana Wanî û Wan de zî estbîyayîşê xo mojnena ra. Vîyane gerîlatîya xo ya emrkilme de estbîyayîşêko pîl ramojna. Wanî kerd ke Vîyane xo hîna zaf bişinasa, aver bera. A Wan de embazîye zî asta fedayîtîye de ercnena. 

Dişmen 2018 de Wan de operasyon dano destpêkerdene. Verî Vîyane vejîyena verê dişmenî. A seba ke dişmen nêkewo erdê ci yê fîrazî xo erzena vera guleyan û embazanê xo rê bena fadîye. A hînî bena gerîlayêka estare û defterê zerrîya embazanê xo de nameyê xo pê herfanê zerrnênan dana nuştene.