HDP Çewlîg de 2 mengî yo ke amadekarîya weçînayîşî keno û ewro seba ke weçînayîşêko ewlehî bêro kerdene her çî ameyo amadekerdene. HDP’yî Masaya Krîzî naya ro û pêro sindoqan de muşahîdî kerdê ca û wezîfedarî kifş kerdê. Reyna HDP’yî avukatan ra Heyetê Hîqûqî nayo ro û heyet do meşte dest bi wezîfeyî bikero.  

773 sindoqî do bêrê ronayene

Meşte merkezê Çewlîgî de 223 sindoqan de 72 hezar û 883 weçînayoxî, Azarpêrt de 10 sindoqan de 2 hezar û 329 weçînayoxî, Dara Hênî de 41 sindoqan de 10 hezar û 993 weçînayoxî, Kanîreşe de 16 sindoqan de 4 hezar û 442 weçînayoxî, Gêxî de 8 sindoqan de 2 hezar û 137 weçînayoxî, Bongilan de  34 sindoqan de 11 hezar û 227 weçînayoxî, Xorxol de 7 sindoqan de 736 weçînayoxî û Çêrme de zî 6 sindoqan de 1 hezar û 92 weçînayoxî do şorê sindoqan ser û reyanê xo bierzê ci.

Pêroyê bajarî de 773 sindoqî do bêrê ronayene û 185 hezar û 419 weçînayoxî reyanê xo bierzê ci.